Надежда Дьяконова тиксэрдэ
Аллайыаха улууһун Бөрөлөөх оскуолатыгар саҥа кинигэ сүрэхтэниитин дьоро киэһэтэ буолан ааста.
Дьоҕус альбом-кинигэ Бөрөлөөх үбүлүөйдээх сылларыгар тахсыталаабыт икки кинигэни салҕаан, саҥа үйэ чиэппэрин ааҕааччыга сэгэтэн көрдөрөр.
Кинигэ сүрэхтэниитигэр үбүнэн өйөөбүт улуус баһылыга Яков Елисеев, улуус дьокутааттарын мунньаҕын бэрэссэдээтэлэ Альберт Местников ыалдьыттаатылар.
Кинигэбит “Бөрөлөөх оскуолатыттан куорсун анньынан” диэн ааттанан күн сирин көрдө.
Бу үйэ чиэппэрэ кэрчик кэм устата оскуола, үөрэнээччилэр бэлиэ түгэннэрин көрдөрөр кинигэнэн буолбута кэрэхсэбиллээх.
Онон кинигэҕэ бу кэм устата үөрэнэн бүтэрбит оҕолору ахтан, киэн туттар үөрэнээччилэрбитин сырдатан кэпсэттибит. Оччотооҕу кэмҥэ үөрэҕи бүтэрэн кэлэн үлэлээбит эдэр учууталлар ахтыыларыттан сырдаттыбыт. Бөрөлөөххө үлэлээбит, учуутал быһыытынан бастакы буһууну-хатыыны ааспыт кэмнэрин махтал истиҥ тылларынан ахтыбыттар. Учууталлар үөрэппит оҕолорун, нэһилиэк олохтоохторун иһирэхтик саныылларын тиэрдибиттэр.
Оскуола кэлэктиибэ улуус дьаһалтатыгар кинигэ күн сирин көрөрүгэр көмөлөһөн үбүлээбитин иһин махтанна.
Биэчэр түмүгэр сана кинигэ ойуулаах минньигэс туордунан, утаҕынан ыалдьыттары күндүлээтибит.
Надежда Дьяконова, Бөрөлөөх нэһилиэгин олохтооҕо.
Ахсынньы 29 күнэ. Ил Дархан Мэҥэ Хаҥалас улууһугар үлэлээтэ. Аллараа Бэстээххэ учаастактааҕы балыыһа саҥа дьиэтэ…
Саха саныырынан, утуйар уу араастаах. Сылбай уу кэмэ -- киэһэ сыппыт кэннэ түүн үөһүгэр диэри.…
Хатас нэһилиэгэ сыллааҕы үлэни-хамнаһы түмүктүүр киэһэтэ буолан ааста Сылы түмүктүүр, ааспыты анаарар, буолбуту ырытар ахсынньы…
Өрөспүүбүлүкэҕэ биир саамай кэрэ кэргэннии паараларынан Айталина уонна Вячеслав Лаверновтар буолаллар. Томпо уонна Амма Кэрэ…
Өбүгэлэрбит хайдах күн-дьыл буолуон эндэппэккэ билэллэрэ. Айылҕа араас көстүүтүн, оту-маһы, кыылы-сүөлү кэтээн көрөллөрүн туһунан элбэхтэ…
Атамайга элбэх хайысхалаах кииҥҥэ сэргэх тэрээһин буолла. Тэрээһин бастакы чааһыгар Атамай нэһилиэгин түөлбэлэригэр бастыҥнары чиэстиир…