Бөрөлөөххө ас тиийдэ

Аллайыаха улууһун саамай ыраах Бөрөлөөх нэһилиэгэр «Якутоптторг» бэртээхэй хаачыстыбалаах аһа бөртөлүөтүнэн тиэрдилиннэ.

Нэһилиэк эр дьоно биэс буранынан атыыланар дьиэҕэ тастылар.

Нэһилиэк дьаһалтата «Якутоптторг» салайааччыларыгар, «Полярные авиалинии» авиахампаанньа МИ-8 экипаһыгар махталын тиэрдэр. Онон ыраах нэһилиэк олохтоохторо суола-ииһэ суох дойдуга ас-үөл кэлбититтэн үөрүүлэрэ муҥура суох.

Хаартыскалар олохтоох дьаһалтаттан