Бөрөлөөххө бэнсииннэрэ тиийдэ

Аллайыаха улууһун саамай түгэх сытар Бөрөлөөх нэһилиэгэр суолу баттаһа олохтоох дьаһалта сыллааҕы бэнсииннэрин аҕалтарда.

Онон олохтоохтор үөрүүлэрэ муҥура суох.
— «Саханефтегазсбыт» АУо Аллайыахатааҕы филиала 16 туонна бэнсиини нэһилиэнньэҕэ атыыга тиэртэ. Олохтоохтор уматыгы миэстэтигэр ылаллара олус абыраллаах. Улуус кииниттэн баран ыларга элбэҕи сатаан аҕалбаккын уонна бара-кэлэ ороскуоттаах дииллэр туундара олохтоохторо, — диэтэ Бөрөлөөх олохтооҕо Надежда Дьяконова.

Хаартыска: Н.Дьяконова ыытта.