Бөрөлөөххө дьиэлэр сылаастар

Аллайыаха улууһун саамай кытыы нэһилиэгэр Бөрөлөөххө оттук сезона улууска бүттүүнүгэр курдук эрдэ, атырдьах ыйын 8 күнүттэн, саҕаламмыта. Онон тэрилтэлэргэ уонна олорор дьиэлэргэ сылаас. Сылааһынан кэмигэр хааччыллыы ордук 9 кылаастаах оскуолаҕа суолталаах. Маныаха “СӨ ОДьКХ” ГУП Аллайыахатааҕы филиала үчүгэйдик, эрдэттэн тэринэн үлэлиир.

Нэһилиэк дьаһалтатын баһылыга Егор Рожин этэринэн, балаҕан ыйын 1 күнүгэр маҥнайгы кылааска 2 оҕо үөрэнэ киириэхтээх. Быйыл саҥа учуутал кытыы нэһилиэккэ кэлбэтэх (ыстаат толору), оттон биэлсэрдэрэ уоппускатын кэнниттэн балаҕан ыйыгар үлэлии кэлиэхтээх диэн эрэнэ кэтэһэллэр.