Бөрөлөөххө «Гэван» кэнсиэр

Бэҕэһээ Аллайыаха улууһун Бөрөлөөх нэһилиэгэр бэрт сэргэх тэрээһин буолла. Ол курдук, Үлэ сылын сабыллыытынан «Гэван» култуура киинэ кэнсиэр тэрийдэ. Кэнсиэргэ «Маска» оҕо тыйаатыра эмиэ кытынна.

Кэнсиэр олохтоох бэйиэт Иван Алексеевич Лебедев — Хоноһо хоһооннорунан сценарийданан ыытылынна. Кыттааччылар үтүө үлэһит булчут, балыксыт, табаһыт өбүгэлэрин чиэстээн, ырыаҕа-хоһооҥҥо хоһуйдулар.

Таарыйа аҕыннахха, бөрөлөөхтөр олус ыраах олорор буоланнар, манна куруук бэйэлэрэ кэнсиэрдииллэр. Биирдэ эмэ биллэр ырыаһыттар кэлэн сэргэхситэллэрэ буоллар диэн баҕа санаалаахтар.