Хаартысканы Рожин Е.Н. ыытта
Кулун тутар 3 күнүгэр СӨ Бырабыыталыстыбатын 2022 сыллаах үлэтин отчуоттуур бөлөҕө Аллайыаха улууһун Чокуурдаах сэлиэнньэтигэр икки күн Дьокуускай аэропуордугар тумантан сылтаан хаайтаран баран көппүтэ. Бөлөҕү өрөспүүбүлүкэ Арктиканы сайыннарыыга уонна Хоту дойду норуоттарын дьыалаларыгар миниистирэ Владимир Черноградскай салайда. Бөлөх састаабыгар СӨ тыатын хаһаайыстыбатын миниистирин солбуйааччы Прокопий Николаев, социальнай сайдыыга миниистири солбуйааччы Афанасий Постников уо.д.а. сырыттылар.
Быйылгы отчуот уратытынан урукку сылларга курдук бөртөлүөтүнэн Бөрөлөөххө көппөтүлэр. Суол үчүгэйдик оҥоһуллан, массыынанан тиийэ сырыттылар.
— Быйылгы отчуокка Бөрөлөөххө өрөспүүбүлүкэ тыатын хаһаайыстыбатын миниистирин солбуйааччы Прокопий Николаев уонна СӨ Ил Дарханын иһинэн олохтоох салайыныыга департамент отделын салайааччы Николай Захаров массыынанан кэлэн бардылар. Сүрүн дакылааты Прокопий Романович туруорбутун кэрэхсээн иһиттибит. Отчуокка дьоммут кыалларынан муһуннулар, бэйэбит да дьоҕус ахсааннаах нэһилиэкпит. Биһиги олохтоохторбут МТС интэриниэтин туруорустулар. Ойдом олорор, уустук суоллаах-иистээх нэһилиэккэ интэриниэт олус наада. Ону тэҥэ сөмөлүөтүнэн көтүү боппуруоһугар тохтоон, “Якутия” авиахампаанньа биир пассажир илдьэр таһаҕаһын 20 киилэнэн быспакка, улаатыннарарыгар баҕа санааларын эттилэр. Хоту дойду олохтоохторугар буран, мотуордаах оҥочо курдук тиэхиньикэлэрбитигэр саппаас чааспытын Дьокуускайтан ылларабыт, аҕалабыт. Биһиэхэ туох барыта наада, ону аҕалыы эрэйдээх. Онон бу боппуруоһу хампаанньа үөрэтиэ диэн эрэнэбит.
Сүрүннээн ыллахха, олохтоохтор Бырабыыталыстыба үлэтин отчуотун биһирээтилэр, — диэтэ кылгастык санаатын эттэ нэһилиэк баһылыга Егор Рожин.
Таарыйа аҕыннахха, суол-айан күчүмэҕэй сиригэр маннык дьоҕус бөлөҕүнэн отчуоттааһын ордук табыгастаах буолсу быһыылаах. Хоту дойдуга халлаан, күн-дьыл туруга түргэнник уларыйар. Этэргэ дылы, графигы, былааны бэйэтэ дьаһайар. Хата, онон Аллайыахаҕа быйылгы уопут эһиилги отчуокка туһаныллыан сөп курдук.
Хаартыска: Рожин Е.Н. ыытта
Ил Дархан Айсен Николаев өрөспүүбүлүкэ терроризмы утары охсуһар хамыыһыйатын уонна суһал ыстаап холбоһуктаах мунньаҕын ыытта.…
Виктория Семенова унтуу тикпитэ сүүрбэччэ сыл буолбут. Бэйэтэ этэринэн, бу сыллар тухары 50 тыһыынчаттан тахса унтууну…
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…