Н.Дьяконова хаартыскалары ыытта
Аллайыаха улууһун ыраах сытар суоллаах-иистээх Бөрөлөөх нэһилиэгэр алтынньы 12 күнүгэр хортуоппуй уонна оҕуруот аһа тиийбит. Бастаан оҕуруот аһын улууска тиэйэн аҕалалларыгар Бөрөлөөххө суола сабыллан, кыайан тиийбэтэҕэ.
— Ону улууспут баһылыга Яков Елисеев биир бөһүөлэкпитигэр сибиэһэй оҕуруот аһа тиийбэтэ диэн Дьокуускайга Бырабыыталыстыбаҕа туруорсубута. Ону өрөспүүбүлүкэбит Ил Дархана Айсен Николаев тута болҕомтоҕо ылан, ыаллыы Абый улууһун Белай Горатыттан бөртөлүөтүнэн быһа тиэрдэргэ сорудахтаабыта. Белай Гораҕа “Якутоптторг” тэрилтэ логистика киинин арыйан абыраабыт. Ол ыскылаакка хараллыбыт сибиэһэй оҕуруот аһа уонна хортуоппуй Бөрөлөөххө кэлбитэ. Кэлбит сибиэһэй аһы олохтоохторго дэлэччи түҥэттилэр. Сыаната да чэпчэки. Онон олохтоохтор үөрүү бөҕөбүт. Ол иһин Айсен Сергеевичка, “Якутоптторг” тэрилтэҕэ, улууспут баһылыгар Яков Елисеевка, Саха сирин Тыатын хаһаайыстыбатын уонна аска-үөлгэ министиэристибэтин үчүгэй хаачыстыбалаах оҕуруот аһын үүннэрбит хаһаайыстыбатын үлэһиттэригэр, бөртөлүөт экипаһыгар махтанабыт, — диэн төлөпүөнүнэн махталын тириэртэ Бөрөлөөх олохтооҕо Надежда Дьяконова.
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…
«Владимир Путины кытта сылы ырытыы» биэриигэ, ахсынньы 16 күнүнээҕи туругунан, 1,6 мөлүйүөнтэн тахса ыйытыы киирбит. …
Муниципальнай тэриллиилэр бэрэстэбиитэллээх уорганнарын дьокутааттарын сийиэһин чэрчитинэн тыа хаһаайыстыбатын, Арктика түөлбэтин, экологияны, хомунаалынай хаһаайыстыбаны судаарыстыбаннай…
Төрөөбүт тылынан Арассыыйаҕа бастакы эрэгийиэннээҕи мобильнай сыһыарыы үлэҕэ киирдэ. "Айар" кинигэ кыһата эһиэхэ, ааҕааччыларыгар, үөрүлээх…
Өрөспүүбүлүкэтээҕи сүүмэрдэммит хамаандалары успуорка бэлэмнээһин киинэ иһитиннэрбитинэн, Саха сирин тустууга сүүмэрдэммит хамаандата Красноярскай куоракка Миндиашвили …