Бөрөлөөхтөр — “Арассыыйа уута” аахсыйаҕа

Бэс ыйын 7 күнүгэр ыраах сытар, уустук суоллаах-иистээх Бөрөлөөх нэһилиэгин олохтоохторо “Арассыыйа уута” Бүтүн Арассыыйатааҕы аахсыйаҕа кытыннылар. Дэриэбинэ эр дьоно түмсэн балыктыыр, иитэн-аһатан олорор Дьолоон үрэхтэрин кытыытын мунньуллубут бөхтөн-сыыстан хомуйдулар.

Тимир да буочука оппотох, барытын күүстэрэ кыайарынан хомуйан, ыраастаабыттар. Көмөҕө баар-суох таптыыр көлөлөрүн – “бураны” кытта кыттыһыннардылар. Онон кытылы ыраастааһын тэтимнээхтик, сэргэхтик ааспыт. Бөрөлөөхтөр бу курдук субуотунньуктаан, бэркэ сэргэхсийэн тарҕастылар.

Хаартыска: улуустааҕы экологияны судаарыстыбанан кэтээн көрүүгэ иниспиэксийэтэ ыытта.