Бөрөлөөхтөр авиа-рейстэр тустарынан ыйыттылар

Бүгүн ыраах суоллаах-иистээх Аллайыаха улууһун Бөрөлөөх нэһилиэгэр улуус баһылыга Я.Г.Елисеев отчуота буолан ааста.  Яков Гаврильевич Аллайыаха улууһун дьаһалтатын 2024 сыллаах үлэтин туһунан сиһилии кэпсээбит, үгүс ыйытыыларга хоруйдаабыт.

Бу мунньах туһунан “Саха сирэ” хаһыат саайтыгар нэһилиэк олохтооҕо Надежда Дьяконова маннык кэпсээтэ:

— Бөрөлөөххө кэлбит отчуоттуур дэлэгээссийэни кытта кэлсибит  улуус борокуруора Алексей Андреевич Блиновских, “СӨ ОДьКХ” ГУП  Аллайыахатааҕы филиалын дириэктэрэ Николай Васильевич Раднаев  тэрилтэлэргэ сырыттылар уонна  мунньахха кыттыыны ыллылар. Борокуруор А.А. Блиновских нэһилиэк дьонугар биирдиилээн  прием оҥордо.

Отчуоттуур мунньахха олохтоохтор “Якутия” авиа-хампаанньа  рейстэрин, “Полярные авиалинии” авиа-хампаанньа бөртөлүөттэрин рейстэрин тустарынан ыйытыылары биэрдилэр. Ону тэҥ хаарбах туруктаах дьиэлэргэ сыһыаннаах ыйытыылары биэрдилэр.  Олохтоохтор тыын суолталаах боппуруостарга сөптөөх эппиэти ылан, астынан тарҕастылар.