Бөрөлөөхтөр субуотунньуктууллар

Аллайыаха улууһун Бөрөлөөх нэһилиэгин олохтоохторо олус көхтөөхтөр. Киин сиртэн уонна улуустан тэйиччи олоробут диэбэттэр. Тэрээһиннэрэ өрүү үгүс.

Ол курдук, хаардара өссө да уулла илик буоллар, ыам ыйын 17 күнүтэн саҕалаан бу күннэргэ диэри тиэргэннэрин уонна дэриэбинэлэрин иһин ыраастаннылар.

Нэһилиэк баһылыгын эбээһинэһин быстах кэмҥэ толорооччу дьаһалынан икки ыйдаах санитарнай ый биллэриллибитэ. Онон Потапов Сергей Сергеевич салалтатынан бэркэ тэринэн ыраастаннылар. Субуотунньук быыһыгар экоэриэйдэ эмиэ тэрийбиттэр. “Экология тиэргэнтэн саҕаланар” диэн тиэмэҕэ бэсиэдэ ыытыллан, 14 киһини кытта кэпсэппиттэр.

Онон хоту улуустар нэһилиэктэрэ бөрөлөөхтөр курдук субуотунньуктары тэрийиҥ.