“Бөрөлөр бааллар, бултаһыам этэ”

Бөрө тыа хаһаайыстыбатыгар таһаарар хоромньута кырата суох. Онон бу адьырҕаны бултааһыҥҥа олохтоох булчуттар улахан суолтаны уураллар.

— Бөрө баар.  Мин сололонон, бултаһа, үрэх баһыгар бара иликпин. Бу күһүн аҕыс бөрө сылдьар этэ. Оломтон 7-8 км сиргэ үс бөрө баара. Хаһаайыстыбабар убаһа идэһэтин саҕалаатыбыт. Үс хонук буолла. Биэс күнүнэн бүтэрэрбит буолуо. Ол кэнниттэн хаһаайыстыбам отун-маһын тиэйэн баран, адьырҕалар суолларын көрө-истэ барыам этэ дии саныыбын. Бөрө ахсаанын сүрүннээһиҥҥэ лиссиэнсийэ көрдөөбүтүм, бу күннэргэ кэлиэхтээх, — диэтэ Амма улууһун бааһынай хаһаайыстыбатын баһылыга, “СӨ үтүөлээх пиэрмэрэ” Егор Кузьмин.

Хаартыска: «Сонор суолугар» балаһа архыыбыттан