Бөрөлөр Танда үрэҕин батыспыттар

Бүгүн аны Уус Алдан улууһун Түүлээх нэһилиэгэр 11 бөрө суолун  көрбүттэрин туһунан иһилиннэ.

Бу тиэмэҕэ Түүлээх нэһилиэгин баһылыга Станислав Винокуров маннык хоруйдаата:

— Кырдьык, нэһилиэк олохтооҕо Афанасий Степанович Винокуров суолларын көрбүт. Кини этэринэн, Кыылаайыттан быһа холуйан 7-8 км сиргэ.  Бөрөлөр үрэҕинэн соҕуруу диэки барбыттар. Ол аата Танда үрэҕин батыспыттар. Онон адьырҕалар Бээрийэ, Баайаҕа да диэки тиийиэхтэрин сөп. Бээрийэнэн Өнөргө да түһэр кыахтаахтар. Дьоммутугар бөрөлөр тустарынан иһитиннэрдибит, сэрэттибит.