Хаартыска: sakha.gov.ru
РФ Бырабыыталыстыбатын Бэрэссэдээтэлин солбуйааччы – Уһук Илиҥҥи федеральнай уокурукка Бэрэсидьиэн боломуочуйалаах бэрэстэбиитэлэ Юрий Трутнев Мурманскайга ыытыллыбыт “Арктика – территория диалога” норуоттар икки ардыларынааҕы арктическай пуорум барыллаан түмүктэрин таһаарда.
Тэрээһиҥҥэ 21 дойдуттан 1200 киһи кыттыбыта, пуорум аан дойдутааҕы бөдөҥ былаһаакка буоларын бигэргэттэ. Бу туһунан Ил Дархан, бырабыыталыстыба пресс-киинэ иһитиннэрэр.
Юрий Трутнев Арассыыйа бэрэсидьиэнэ Владимир Путин Бырабыыталыстыбаҕа арктическай маастар-былааннары олоххо киллэриини түргэтэтэргэ сорудахтаабытын бэлиэтээтэ. Билигин уопсайа 1,5 мөлүйүөнтэн тахса киһи олорор 16 тирэх нэһилиэнньэлээх пууннары сайыннарыыга былаан оҥоһулунна. Кинилэр олоххо киирэллэриттэн 19 триллион солкуобай суумалаах инвестиционнай бырайыактар тутулуктаахтар. Бу территориялар испииһэктэригэр Тиксии бөһүөлэгэ уонна сыста сытар сирдэр киирэллэр.
Арассыыйа Уһук Илини сайыннарыы министиэристибэтэ этэринэн, маастар-былааннары олоххо киллэрдэххэ, 2035 сылга диэри бу территорияларга оҥоһуллар бородууксуйа 3-тэн 5 трлн солкуобайга диэри улаатыаҕа. Ордук улаха болҕомто арктическай куораттары саҥалыыттан оҥорууга, саҥардыыга уурулунна.
“Бүгүн Арктикаҕа 35 трлн солк. суумалаах бырайыактар олоххо киирэллэр. Кинилэр көдьүүстээхтик олоххо киирэллэрин хааччыйыы – биһиги сорукпут», — диэн бырабыыталыстыба бэрэссэдээтэлин солбуйааччы тоһоҕолоон бэлиэтээтэ.
Пуорум улахан суолталаах түмүгүнэн Арктическай инвестиционнай пуонда тэриллиитин быһаарыы буолла. «Пуонда чопчу инвестиционнай сыаллаах-соруктаах. Территория кыаҕын Уһук Илини уонна Арктиканы сайыннарар систиэмэбит ордук билэр,” — диэтэ Юрий Трутнев.
Муус устар 3 күнүгэр «Сэргэлээх уоттара» култуура киинигэр Василена Шарина-Улан «Турук» диэн бастакы моно-перфоманс кэнсиэрэ…
Быйыл кулун тутар ыйга полицияҕа Дьокуускай куорат 77 саастаах олохтооҕо түөкүттэр сиэртибэлэрэ буолбутун уонна мөлүйүөн…
Ханнык баҕарар дойдуга кыратыттан, улаханыттан тутулуга суох, төрөөбүт-үөскээбит сирин дьонун-сэргэтин дириҥ ытыктабылларын ылбыт, киэн туттуулара…
Бэс ыйын 4-8 күннэригэр Дьокуускайга «Спортивные якутяне» Саха сирин үөрэнээччилэрин спартакиадатын финальнай түһүмэҕэ ыытыллыаҕа. Бэлэмнэнии…
Росгвардия территориальнай управлениетын ОМОН баазатыгар «Бизон» этэрээт тэриллиитин күнүгэр үөрүүлээх тэрээһин буолан ааста. «Бизон байыастарын…
Ис-тас атыы-эргиэн арыта аһара баран, аны дуоллар тиһигэ туллаҥнаан Эмиэрикэлэр экэнэмиэкэлэрин "эргичитэллэр".