Хаартыска: РФ Бэрэсидьиэнин дьаһалтатыттан.
Дойду бэрэсидьиэнэ Владимир Путин бүгүн үгэскэ кубулуйбут пресс-кэмипириэнсийэтин кытта сыл түмүгүн таһаарар. Киирбит ыйытыылар баһыйар улахан аҥаардара анал байыаннай дьайыыга сыһыаннаахтар диэн этэллэр.
Курскай уобаласка быстах кэмнээх пууҥҥа олорор Татьяна Зиброва төлөпүөнүнэн анал байыаннай дьайыыга сыһыаннаах үс ыйытыыны биэрдэ. Курскай уобалаһы хаһан босхолуохтарай, биһигиттэн тэйиэхтэрэй, дьиэбитигэр хаһан төннүөхпүтүй? Урусхалламмыт кыра сэлиэнньэлэри чөлүгэр түһэриэхтэрэ дуо? Дьиэҕэ ыларга бэриллэр сэртипикээккэ биһиги хапсыахпыт дуо?
“Татьяна Николаевна, туох даҕаны саарбахтааһын суох. Чопчу даатаны этэр кыаллыбат. Байыастарбыт бу билигин кыргыһыыга сылдьаллар. Биһиги чахчы кинилэри кыайыахпыт, онтон атыннык буолар да кыаҕа суох. Ол эрээри, чопчу даатаны этэр кыаллыбат. А. Чопчу кыайыахпыт. Б. Ол кэнниттэн хоромньуну ааҕар кыаллыа. В. Барыта чөлүгэр түһэриллиэҕэ, олох саарбахтаамаҥ. Суолу-ииһи, хомунаалынай инфраструктураны, социальнай эбийэктэри – оскуолалары, уһуйааннары, кулууптары, биллэн турар, олорор дьиэлэри, дьиэни чөлүгэр түһэриигэ сэртипикээттэр бэриллиэхтэрэ. Атын эрэгийиэҥҥэ көһүөн баҕарааччыларга көмөлөһүөхпүт, сэртипикээт биэриэхпит. Билигин бу сыалга анаан 108 млрд. солк. көрүллэн турар. Бастакы төлөбүр номнуо барбыта. Дьаһалта бырааһынньык күннэригэр эмиэ үлэлиэҕэ, дьону кытта көрсүөҕэ” – диэн хоруйдаата.
Дьокуускай мээрэ Евгений Григорьев уонна «Яндекс» хампаанньа эрэгийиэннэри кытта үлэлээһиҥҥэ дириэктэрэ Антон Москаленков бииргэ үлэлээһиҥҥэ…
Бүтэһик чуораан чугдаарбытын, эксээмэннэри туттарбыт кэннэ ороскуоттаах бырааһынньыктар саҕаланаллар. Бу бырааһынньыктарга бэлэмнэнии сыл инниттэн саҕаланар.…
Төһө да «ыт — киһи доҕоро” диэтэрбит, ордук куорат сиргэ, ыттаах-куоскалаах аһара элбээн, тулалыыр эйгэ санитарнай…
Ил Түмэн Бэрэссэдээтэлэ Алексей Еремеев салайааччылаах Саха сирин дэлэгээссийэтэ Луганскай Норуодунай Өрөспүүбүлүкэҕэ «Муниципальнай тэриллиилэргэ Ийэ…
Суорун Омоллоон аатынан Опера уонна балет тыйаатырын сүрүн артыыһа, умсугутуулаах уобарастары кыайа-хото тутар, опера артыыһын…
Саха омук мусукаалынай култууратыгар уһулуччулаах кылааты киллэрбит композиторбыт, Кэбээйи улууһуттан төрүттээх Захар Степанов төрөөбүтэ 95…