Хаартыска: www.sakha.gov.ru
Саха сиригэр “Ыраас уу” федеральнай бырагырааманан 2019-2024 сылларга ууну хааччыйар уонна бэлэмниир 13 саҥа эбийиэк үлэҕэ киирбит.
РФ Бэрэсидьиэнэ Владимир Путин көҕүлээбит “Олох-дьаһах уонна куорат эйгэтэ” национальнай бырайыагынан федеральнай хааһынаттан бу эбийиэктэргэ 3,5 млрд. солк. үбү-харчыны ыыппыттар.
Биэс сыллаах үлэ түмүгүнэн көрдөххө, нэһилиэнньэни кииннэммит ыраас уунан хабыы куоракка 88,18% тэҥнэспит, өрөспүүбүлүкэҕэ — 60,23%.
Саҥа эбийиэктэри Өлүөхүмэ, Хаҥалас, Үөһээ Бүлүү, Уус Алдан, Амма, Сунтаар, Горнай, Ньурба уонна Дьааҥы улуустарыгар, ону тэҥэ, Дьокуускай куоракка туппуттар. Быйыл өссө биэс эбийиэги үлэҕэ киллэрбиттэр. Өлүөхүмэҕэ ууну ыраастыыр ыстаансыйаны тутуу иккис түһүмэҕин быйыл балаҕан ыйын 1 күнүгэр үлэҕэ киллэрэр былааннаахтар.
Олох-дьаһах хомунаалынай хаһаайыстыбатын уонна энэргиэтикэ миниистирэ Вячеслав Емельянов бырагыраама түмүгэ дьон күннээҕи олоҕор номнуо биллэрин бэлиэтиир. “Куорат уонна тыа сирин олохтоохторо билигин хаачыстыбалаах ууну иһэллэр, ол иһигэр өрүс барар кэмигэр эмиэ. Бу дойду Бэрэсидьиэнинэн сорудаҕынан эрдэттэн толкуйдаммыт судаарыстыбаннай бэлиитикэ түмүгэ. Саха сиригэр ыраас ууну тириэрдии кыһалҕата ситимнээхтик, тиһиктээхтик ыытыллар” – диэн этэр.
Бу туһунан Ил Дархан уонна Бырабыыталыстыба пресс-сулууспата суруйар.
Бу нэдиэлэҕэ Саха сириттэн байыаннай дьайыы буола турар сиригэр 20 туонна таһаҕаһы тиэммит массыыналар айаннаатылар.…
Бүгүн, ахсынньы 10 күнүгэр, Ил Дархан Айсен Николаев "ОКТО" хампаанньа дириэктэрдэрин сэбиэтин бэрэссэдээтэлигэр Алексей Толоконниковка…
«Сахаада-спорт» СӨ норуоттарын успуорт төрүт көрүҥнэригэр уонна оонньууларыгар ассоциацията быйылгы лауреаттары ааттаата. Лауреаттары успуорт көрүҥнэринэн…
Байыаннай дьайыы кыттыылааҕа Петр Парников Мэҥэ Хаҥалас улууһун Хара нэһилиэгин успуорт оскуолатыгар тириэньэринэн үлэҕэ киирдэ.…
Саха Өрөспүүбүлүкэтин Бырабыыталыстыбатын 2025 сыл ахсынньы 8 күнүнээҕи 501 №-дээх уурааҕынан, Өлүөхүмэ куоратыгар «Дьиэ (мас),…
Хаҥалас улууһун Кытыл Дьураа сэлиэнньэтигэр "СӨ ОДьКХ" ГУП тэрилтэ 3,48 МВт кыамталаах хочуолунайа үлэҕэ киирдэ. Бу…