Бэрэсидьиэн омук тылларын туһанар бобулларын туһунан сокуоҥҥа илии баттаата

РФ Бэрэсидьиэнэ Владимир Путин аныгы нуучча литэрэтииринэй тылын нуорматыгар сөп түбэспэт тыллары уонна этиилэри туһанар бобулларын туһунан сокуоҥҥа илии баттаата. Бобуу быдьар уонна нууччалыы тылбаастаныан сөп эрээри, нормативнай тылдьыкка киирбэтэх киирии тылларга сыһыаннаах.

Күннээҕи кэпсэтии тыла манна сыһыана суох, судаарыстыбаннай тылы туһаныы түгэннэрэ көрүллэллэр диэн соҕурууҥҥу сонуну киэҥник тарҕатар ситимнэр быһаараллар. Онон бу нуорма судаарыстыбаннай уонна муниципальнай иһитиннэрэр систиэмэҕэ, ону тэҥэ, табаары туһанааччыларга, үлэни уонна өҥөнү иһитиннэриигэ булгуччу тутуһуллуоҕа диэн суруйаллар. Холобур, манна тэрилтэ таһынааҕы сурук (вывеска) хапсар.

Уларыйыылар атын эйгэни: айымньыны толорооччулары, сонуну киэҥник тарҕатар ситимнэри, эрэкэлээмэни, үөрэх литэрэтиирэтин, киинэ тыйаатырдарын уонна кинигэни эмиэ хабыахтарын сөп диэн сабаҕалыыллар.

Сокуон нуучча тылын, омуктан ордук хос киирии тылтан уонна быдьар “лиэксикэттэн” харыстыыр соруктаах.

Манна даҕатан эттэххэ, Дьокуускайга омуктуу ааттаах маҕаһыын күн-түүн эбиллэ турар. Онноооҕор улуу нуучча тылын киирии тылтан харыстаан сокуон ылаллар. Оттон саха тыла?