Хаартыска: Николаев-киин.
Бэрэсидьиэн оскуолаларын ситимэ тэриллибит күнүн иитинэн, улуустарынан араас тэрээһиннэр саҕаланнылар. Биир бэлиэ түгэнинэн С.К. Макаров аатынан Чурапчы гимназиятыгар СӨ бастакы бэрэсидьиэнэ Михаил Николаевка аналлаах “Үөрэх – уопсастыба үрдүкү сыаннаһа” истиэндэ аһыллыыта буолла.
“Бу барыбытыгар бэлиэ түгэн. Маннык истиэндэлэр бэрэсидьиэн ситимин атын оскуолаларыгар эмиэ аһыллаллара үөрүүлээх. Истиэндэлэр бастакы бэрэсидьиэн туһунан үтүө өйдөбүлү көрдөрөллөр, үөрэх лиидэрдэринэн буолууну – оскуолалар тэриллиилэрин аналын санаталлар”, — диэн Чурапчы гимназиятын дириэктэрэ Юрий Слепцов бэлиэтиир.
Санатан аастахха, 1997 сыл кулун тутар 3 күнүгэр Бэрэсидьиэн оскуолаларын ситимин тэрийии туһунан СӨ бэрэсидьиэнэ Михаил Николаев Ыйааҕа тахсыбыта. Бэрэсидьиэн оскуолалара үөрэх саҥа систиэмэтин “Үүнүү туочукатынан”, үөрэх саҥа технологиятын киининэн – авторскай моделынан буолалларыгар сорук туруоруллубута. Михаил Николаев Ситим бэпэчиитэллэр сэбиэттэрин тус бэйэтинэн салайбыта, өрөспүүбүлүкэ оскуолаҕа систиэмэтигэр инновационнай үөрэх кииннэрин тэрийии киэҥ далааһыннаах үлэтэ ол курдук саҕаламмыта.
Оччолорго өрөспүүбүлүкэ үөрэҕин миниистирэ Евгения Михайлова салайааччылаах, Арассыыйаҕа интеллектуальнай айдарыылаах оҕолору сайыннарарга үрдүк таһымнаах гимназиялар уонна лиссиэйдэр тэриллэн саҕалаабыттара. Саҥа оскуолалары сайыннарыынан эрэ буолбакка, улуустарга миэстэтигэр үөрэх “локомативынан” буолалларыгар сорук туруоруллубута. Оскуолалар уратыларынан тыа сирдэрин усулуобуйатыгар тиэхэньиичэскэй уонна естественнэй-научнай үөрэтии хайысхатын олоххо киллэрии этэ. Талааннаах дириэктэрдэр салайыыларынан эдэр кэлэктииптэри түмпүттэрэ. Улахан ситиһиинэн дойду уонна тас дойдулар инники күөҥҥэ сылдьар оскуолаларын уонна үрдүк үөрэҕин тэрилтэлэрин кытта бииргэ үлэлэһии олуга ууруллубута, Саха сирин устуоруйатыгар аан бастакытын Арассыыйа үрдүк үөрэхтэрин тэрилтэлэрин биллэр-көстөр учуонайдара, бэрэпиэссэрдэрэ эрэгийиэҥҥэ үлэлии, оҕолорго сүбэлии-амалыы кэлбиттэрэ, ол иһигэр Саха сирин тыатын оскуолаларыгар.
Бэрэсидьиэн оскуолалара 27 сыл устата ааптарыскай көрүүнү, эспэримиэнниир бырагыраамалары киллэрэн улахан ситиһиилэннилэр. Оскуолалар инновационнай лиссиэйдэргэ уонна үрдүк таһымнаах гимназияларга тиийэ үүннүлэр. Интеллектуальнай элитаны, өрөспүүбүлүкэ тиэхэньиичэскэй каадырын иитэр уонна үөрэтэр аналлаахтар. Улахан аҥардарыгар саҥа оскуолалар, интэринээттэр тутуллубуттара, “Арассыыйаҕа сыл оскуолата”, “Арассыыйаҕа үйэ оскуолата” үрдүк ааты-суолу ылбыттара.
Николаев-киин.
Анал байыаннай дьайыы кыттыылааҕа уонна «Саха сирэ – Дьоруойдар дойдулара» эрэгийиэннээҕи каадыр бырагырааматын кыттыылааҕа Тит…
Суукка иһигэр Дьокуускайга биэс суол саахала буолбут, ол түмүгэр икки киһи тыына быстыбытын туһунан ГАИ…
Москваҕа Арассыыйа Федерациятын Судаарыстыбаннай сэбиэтин «Энергетика» салаатыгар хамыыһыйа мунньаҕа буолла. Мунньаҕы хамыыһыйа салайааччыта – Саха…
Бүгүн Саха сириттэн байыаннай дьайыы буола турар сиригэр байыастарга тиэхиньикэ саппаастарын, гуманитарнай көмөнү уонна сэргэни…
Бүгүн Чурапчы улууһугар оскуоланы кыһыл уонна үрүҥ көмүс мэтээлинэн бүтэрбит 17 выпускнигы чиэстээтилэр. Кыһыл көмүс…
Дьокуускайга полиция 2-с №-дээх отделыгар олохтоох дьахтар кыһыл көмүс киэргэллэрин уордарбытын туһунан иһитиннэрбит. Кини кыбартыыратыттан…