Бэрэсидьиэн Путин “Валдайга” тыл этиэҕэ

Владимир Путин бу нэдиэлэҕэ тыл этиэхтээҕин аан дойду барыта күүтэр. Тыл этэр күнэ чопчуламмыт. Хаһан?

Путин алтынньы 2 күнүгэр “Валдай” кулууп сыллата ыытыллар 22-с мунньаҕын пленарнай сиэссийэтин кыттыылаахтарыгар тыл этиэҕэ: “Бу кини үгэскэ кубулуйбут тыл этиитэ. Туох даҕаны омуна суох аан дойду барыта кэтэһэр. Быраабыла быһыытынан, киэҥ ис хоһоонноох уонна уһуннук ырытыллар, анаалыстанар. Бу да сырыыга эмиэ оннук буоларыгар эрэнэбит” – диэн Бэрэсидьиэн пресс-сэкирэтээрэ Дмитрий Песков иһитиннэрбит.

Песков Бэрэсидьиэн этэр тиэмэтинэн “полицентричнай мир” буолуоҕа: “Чопчу бу тула кэпсэтии барыаҕа. Бу саҥа систиэмэ, туохха тириэрдиэн, тугунан куһаҕаннааҕын, туох үчүгэйдээҕин, хайдах олорор туһунан…” – диэн Песков эппитин РГ суруйар.

Дойду Аҕа баһылыгын тыл этиитэ күн иккис аҥаарыгар, быһа холуйан 16:00 чаас кэнниттэн буолуо диэн этэллэр.