Бэрэсидьиэн Силуановтыын Өлүөнэ муостатын туһунан кэпсэттэ

Ил Дархан Айсен Николаев Бэрэсидьиэн Владимир Путины кытта көрсүһүүтүгэр Өлүөнэ өрүһү нөҥүө туоруур муоста өрөспүүбүлүкэҕэ олус наадалааҕын  бэлиэтээтэ. Бэрэсидьиэн бу муостаны тутуу боппуруоһун РФ Үпкэ миниистирэ Антон Силуановтыын ырытыспытын туһунан эттэ.

Айсен Николаев Өлүөнэ өрүһү туоруур муоста тутулуннаҕына, өрөспүүбүлүкэҕэ баалабай бородуукта 3% үрдүөҕэ, бүддьүөккэ 4,7 миллиард солкуобайдаах кэмчилээһин буолуоҕа диэн кэпсээтэ.

«Ити боппуруоһунан бэҕэһээ Силуановтыын кэпсэппиппит», — диэн Владимир Путин эттэ. Бу туһунан ТАСС суруйар.