Бэрэсидьиэн түөрт оннугар икки сүрүн судаарыстыбаннай эксээмэни туттарар туһунан сокуоҥҥа илии баттаабыта

Арассыыйа үс эрэгийиэнин үөрэнээччилэрэ, аттестат уонна орто анал үөрэҕи ылар туһугар түөрт биридимиэт оннугар икки сүрүн судаарыстыбаннай эксээмэни (ОГЭ)  туттарыахтарын сөп. Туһааннаах сокуоҥҥа РФ Бэрэсидьиэнэ Владимир Путин илии баттаабыта. Докумуон быраап информациятын официальнай интэриниэт-порталыгар тахсыбыт.

Сүрүн судаарыстыбаннай эксээмэни (ОГЭ) уонна быйыл орто анал үөрэх (СПО) бырагыраамаларыгар үөрэххэ ылыы ураты бэрээдэгэ эспэримиэн быһыытынан Москваҕа, Санкт-Петербурга уонна Липецкэй уобаласка үлэлиэҕэ. Бу эрэгийиэннэргэ 9-с кылаас кэнниттэн тиэхиньикумнарга, кэллиэстэргэ киирэр былааннаахтар, аттестат ылар туһугар нуучча тылыгар уонна математикаҕа эрэ эксээмэннэри туттарыахтара.

10-с кылааска салгыы үөрэнээччилэр бу иннинээҕи сылларга курдук түөрт эксээмэни туттарыахтара, итинтэн иккитэ – талар биридимиэттэр.

Бу туһунан Объясняем.РФ суруйар.