Бэрэсидьиэн Владимир Путин Саха сиригэр итэҕэллээх киһитэ Марина Бахилина уонна Саха сирин, Арассыыйа Уопсастыбаннай палататын чилиэнэ Наталья Кашперскаяны кытта биир дойдулаахтар сэбиэттэрин кытта көрүстүлэр.
Көрсүһүүгэ ДНР-га Саха сирин тирэх пуунун волонтера Аҕа дойду буойуннарын дьиэ кэргэттэрин кэмитиэтин эрэгийиэннээҕи салаатын үлэтин туһунан кэпсээтэ. Ол курдук, байыаннай дьайыы кыттыылаахтарын дьиэ кэргэттэригэр араас өрүттээх үлэ ыытылларын туһунан. Кини биир дойдулаахтар түмсүүлэрэ араас эйгэлэргэ үлэлиир дьону түмэрин бэлиэтээтэ.
“Биир дойдулаахтар – бу Саха сирин олохтоохторун түмсүүтэ уонна сомоҕолоһуута. Эһиги көмөҕүтүнэн гуманитарнай көмөнү дойдубутун көмүскээччилэргэ тиэртибит. Бу эрэ оройуон көмөлөстө диир кыахпыт суох, хас биирдиигит дьоһун кылаатын киллэрдэ”.
Наталья Кашперская дойдуга уонна эрэгийиэҥҥэ тахсар уларыйыылары кэпсээтэ.
“Биһиги олохпут үчүгэй өттүгэр уларыйар диэн бигэтик этэбит. Олохпут таһыма үрдээтэ – хас биирдии дьиэ кэргэҥҥэ масыына, кыбартыыра баар уонна ылар кыахтаахтар”, — диэтэ РФ уопсастыбаннай палататын чилиэнэ Кашперская.
Тэрээһин кыттыылаахтара уопсастыбаннай тэрилтэ уопсастыба олоҕор оруолун бэлиэтээн, байыаннай дьайыы кыттыылаахтарыгар уонна кинилэр дьиэ кэргэттэригэр көмөнү оҥоруу күүһүрэрэ наадатын бэлиэтээтилэр. Ону тэҥэ Арассыыйа бэрэсидьиэнин быыбарыгар Владимир Путины өйүүр дьоһун суолталааҕын эттилэр.
Киин быыбардыыр хамыыһыйа Владимир Путин итэҕэллээх дьонун 544 киһилээх испииһэгин бигэргэппитэ.
Онно култуура уонна искусство успуорт, биисинэс, мэдиссиинэ эйгэтин бэрэстэбиитэллэрэ киирбиттэрэ. Кинилэр ортолоругар актердар Сергей Безруков уонна Владимир Машков, режиссер Никита Михалков, дирижер Юрий Башмет, тириэньэр Ирина Винер уонна атыттар бааллар.
Арассыыйа бэрэсидьиэнин быыбара 2024 сыл кулун тутар 15 күнүттэн 17 күнүгэр диэри ыытыллыаҕа. Киин быыбардыыр хамыыһыйа түөрт хандьыдааты — судаарыстыба баһылыга Владимир Путины, ону тэҥэ Николай Харитоновы (КПРФ), Леонид Слуцкайы (ЛДПР) уонна Владислав Даванкову (“Новые люди”) регистрациялаабыта.
Ил Дархан Айсен Николаев оробуочай сырыытын кэмигэр Нерюнгригэ Култуура пааркатын тутуутун хаамыытын кытта билистэ. Уопсастыбаннай…
— Ийээ, мин ити ыраах куоракка устудьуоннуу бардахпына эһиги хайдах дьаһанан олоруоххутуй? Вадимнаах Мариша наһаа кыралар,.. —…
Нерюнгри оройуонугар оробуочай сырыытын кэмигэр Айсен Николаев Шахтер күнүгэр анаммыт миитиҥҥэ кытынна. Ил Дархан Алексей…
Киинэ хас биирдиибит дууһатын кылын таарыйар, долгутар уратылаах буолан, сырдык иэйиини уһугуннарар, араас толкуйу үөскэтэр.…
Бу күннэргэ Өймөкөөн улууһугар от ыйынааҕы уонна атырдьах ыйынааҕы халааннартан эмсэҕэлээбит олорор дьиэлэри, социальнай эбийиэктэри, суолу-ииһи,…
Хас да эдэр киһи хамаанда тэринэн, куорат олохтоохторугар уонна ыалдьыттарыгар Дьокуускай куорат устуоруйатын сиһилии кэпсиир…