Бэрэсидьиэн үрдүк үөрэх кыһатын устудьуоннарыгар көрөр истипиэндьийэтэ үрдүөҕэ

Share

Бэрэсидьиэн көрөр ыйдааҕы истипиэндьийэтэ быйыл балаҕан ыйын 1 күнүттэн 30 тыһ. солк. диэри үрдүөҕэ. Бу истипиэндьийэни үрдүк үөрэх кыһатыгар үөрэнэр устудьуоннар, курсаннар, истээччилэр ылыахтарын сөп.

Истипиэндьийэ ананар уонна төлөнөр быраабылатын бигэргэтэр уураахха Михаил Мишустин илии баттаата.

Докумуоҥҥа олоҕурдахха, төлөбүрү тоҕус хайысханан ыытыллар куонкурус түмүгүнэн аныахтара:

— «Математическай уонна естественнэй билимнэр».

— «Инженер дьыалата, технологиялар уонна тиэхиньиичэскэй билимнэр».

— «Доруобуйа харыстабыла уонна мэдиссиинэ билимнэрэ».

— «Тыа хаһаайыстыбата уонна тыа хаһаайыстыбатын билимнэрэ».

— «Уопсастыба туһунан билимнэр».

— «Үөрэх уонна педагогическай билимнэр».

— «Гуманитарнай билимнэр».

— «Ускуустуба уонна култуура».

— «Оборуона уонна судаарыстыбаҕа куттал суох буолуута. Байыаннай билимнэр».

Бэрэсидьиэн истипиэндьийэтин биир сылга аныахтара, ылааччы уопсай ахсаана сыллата 3,4 тыһ. киһиттэн элбиэ суоҕа. Тустаах истипиэндьийэҕэ бакалавриакка уонна специалитекка үһүс куурустан үөһэ үөрэнээччилэр, ону тэҥэ, магистраннар суоттаныахтарын сөп.

“Истипиэндьийэ ыларга суоттанааччылар академическай иэһэ уонна “үс” сыаната суох буолуохтаахтар. Маныаха промежуточнай аттестация түмүгүнэн сыаналарын 75% “биэс” буолуохтаах. Маны таһынан, кинилэр  устудьуоннар  норуоттар икки ардыларынааҕы, бүтүн Арассыыйатааҕы куонкурустарын, олимпиадаларын кыайыылаахтара, билим чинчийиитигэр, конструкторскай оҥоһуктарга эбэтэр инновационнай технологияларга уопуттаах, билим таһаарыыларыгар ыстатыйалаах буолуохтаахтар” – диэн Бырабыыталыстыба быһаарар.

Санатан эттэххэ, билиҥҥи истипэндьийэ 7 тыһ. солк. тэҥнэһэр. Бу туһунан Объясняем.РФ суруйар.

What’s your Reaction?
+1
2
+1
0
+1
0
+1
0
+1
1
+1
0
+1
3

Recent Posts

  • Сонуннар

КлиКра сокуонун туһунан

Муус устар 3 күнүгэр буолбут “Публичнай былаас биир уопсай тиһигэр олохтоох салайыныыны тэрийии уопсай тосхоллорун…

11 часов ago
  • Сонуннар
  • Уопсастыба

“Сокровищница Якутии” быыстапкаҕа Гавриил Чиряев аатынан алмааһы сүрэхтээһин буолла

Муус устар 4 күнүгэр, уһулуччулаах судаарыстыбаннай диэйэтэл, Аҕа дойду Улуу сэриитин кыттыылааҕа Гавриил Иосифович Чиряев…

11 часов ago
  • Сонуннар
  • Уопсастыба
  • Үөрэх

Хатас орто оскуолата “Арассыыйатааҕы Билим академиятын тирэх оскуолата” бырайыакка хапсыбыт

П.Н. уонна Н.Е.Самсоновтар ааттарынан Хатас орто оскуолата “Арассыыйатааҕы Билим академиятын тирэх оскуолата” бырайыакка киирбит уонна…

11 часов ago
  • Сонуннар

Саха сиригэр 28 нэһилиэнньэлээх пууну гаастыахтара

СӨ Ил Дархана Айсен Николаев уонна "Газпром" ПАУо бырабылыанньатын бэрэссэдээтэлэ Алексей Миллер бигэргэппит "Гааһынан хааччыйыы…

12 часов ago
  • Байыаннай эпэрээссийэ
  • Сонуннар

Юрий Трутнев “ВОИН” киин уон филиалын үлэтин түмүгүн таһаарда

“ВОИН” киин уон, ол иһигэр үс Уһук Илиҥҥи филиал муус устарга үлэлээбиттэрэ биир сылын бэлиэтииллэр.…

12 часов ago
  • Сонуннар
  • Сүрүн

Чулуу салайааччы Гавриил Чиряев

Саха тарбахха баттанар биир улахан салайааччыта, бөдөҥ судаарыстыбаннай уонна бэлитиичэскэй диэйэтэлэ, 1965-1982 сс. Сэбиэскэй Сойуус…

12 часов ago