Бэрик ылбыт УФСИН үлэһитэ хаайыыга барда

Ааспыт сыл олунньутугар УФСИН үлэһитэ 35 тыһыынча солкуобайы бэрик ылбыт. Ити кэннэ кулун тутар ыйтан ыам ыйыгар диэри дуоһунастаах боломуочуйатынан туһанан харабылланар зуонаҕа көҥүллэммэт маллары аҕалбыт.

Ол курдук, 14 суотабай төлөпүөнү, ону сэргэ төлөпүөннэри ииттэрэр тэриллэри тиэрдии иһин бэрик ылааччы 150 тыһыынча солкуобайы көрдөөбүт.

Оҥорбут дьыалатын иһин суут 7 сыл алта ый устата кытаанах эрэсиимнээх холуонньаҕа хаайылларга уураахтаабыт уонна үс сыл устата былаас бэрэстэбиитэлин дуоһунаһыгар үлэлиир быраабын сарбыйбыт.