Сунтаарга ааспыт сыл бастыҥ спортсменнарын чиэстээтилэр, онно 2013 сыллаахха Гиннес рекордун олохтообут Андрей Кузьмиҥҥа бу ситиһиитин туоһулуур докумуону туттардылар. Пандемия буолан уонна дойдуга уустук балаһыанньа үөскээн, докумуона хойутаан да буоллар, туттарылынна.
Андрей Кузьмин 2013 сыллаахха атырдьах ыйыгар Семен Дежнев Евразия уонна Хотугу Американы холбуур Беринг силбэһиитин арыйыыта 365 сылыгар, Нуучча географическай уопсастыбатын 100 сылыгар, Аляска-Сибиир салгын трассатын 70 сылыгар анаммыт Континеннар икки ардыларынааҕы экстремальнай харбааһыҥҥа 86 килэмиэтир усталаах Беринг силбэһиитин 9-туу чаас солбуйсан харбаан, 6 суукка устата туораан, Гиннес рекордун олохтообута.
Океан уута күүстээх сүүрүктээх, долгуннаах, хойуу туманнаах, хаардаах, тыаллаах буолан, эргийэн, устуу уһуна 134 килэмиэтиргэ тэҥнэспитэ. Бу эстафетаҕа 17 дойдуттан 65 ууһут кыттыбыта. Бу уустук харбааһыны Гиннес рекордугар киллэрии туһунан быһаарыы былырыын эрэ ылыныллыбыта.
Спортсмен Сунтаартан уонна Орто Халыматтан төрүттээх-уустаах. Орто Халымаҕа улааппыта. Билигин Сунтаар улууһун Күндэйэ сэлиэнньэтигэр олорор, оскуолаҕа физкультура учууталынан үлэлиир. Успуордунан дьарыктанар уонна оҕолору тулуурдаах, дьулуурдаах, Ийэ дойдуга бэриниилээх буоларга уһуйар. Оҕолорго “Үрүҥ Уолан” диэн бырайыагы үлэлэтэр. Кини бастаан Бүлүү, онтон Өлүөнэ өрүстэри харбаан туораан, дьарыктаммыт эбит.
Андрей Кузьмин эр киһи уйанын-хатанын тургутан көрүөхтээх диэн санаалаах. Эдэр эрдэҕиттэн 50 кыраадыс тымныыга 50 киилэлээх таһаҕаһы сүкпүтүнэн хааман саҕалаабыта. 2002 сыллаахха 50 кыраадыс тымныыга, 50 киилэлээх таһаҕаһы наартаҕа соһон, 50 килэмиэтир ыраахха барбыта. Бу кэнниттэн кинин «50 в кубе» диэн ааттаабыттар. Бу курдук кини бэйэтигэр тулууру, дьаныары дьарыктыыр. Биир улахан ситиһиитинэн Саха сирин саамай үрдүк туочукатыгар – 3108 миэтэрэ үрдүктээх Победа хайаҕа тахса сылдьыбыта буолар.
Александр Бастрыкин Светлай бөһүөлэгэр бэйдиэ сылдьар ыттар үөрдэрэ саастарын ситэ илик оҕолорго саба түспүт чахчытынан…
Норуоттар сомоҕолоһууларын күнүгэр «Норуот уонна аармыйа — биир сомоҕо» фашизмы утары өрөспүүбүлүкэтээҕи III пуорум чэрчитинэн,…
Бүгүн, сэтинньи 4 күнүгэр, СӨ Бырабыыталыстыбатын бэрэссэдээтэлэ Кирилл Бычков Норуот сомоҕолоһуутун күнүгэр анаммыт «Доҕордоһууну, Эйэни,…
Норуот сомоҕолоһуутун күнүгэр Дьокуускайга автопробег ыытылынна. Бу туһунан Дьокуускай куорат дьаһалтатын пресс-сулууспата иһитиннэрэр. Массыына холуонната…
Байанай ыйа саҕаланар биир күнүгэр Клара Андреевна уонна Никандр Прокопьевич Тимофеевтарга улуу олоҥхону дьоһуннаан олорон…
РФ Силиэстийэлиир кэмитиэтэ Саха сиригэр Алдан куоракка саахалланар туруктаах дьиэ олохтоохторун өр кэмҥэ көһөрбөтөх чахчытынан…