Беркакит бөһүөлэгин баһылыгын солбуйааччытыгар холуобунай дьыала тэрилиннэ

Беркакит бөһүөлэгин баһылыгын солбуйааччыта дуоһунаһын боломуочуйатын туһаныыга уорбаланар.

Силиэстийэ быһаарыытынан, уорбаланааччы хантараактары түһэрсиигэ араас махинациялары тэрийбит. Ону кытта 658 тыһ. солк. тахса харчыны ылбыт.

Ол курдук, силиэстийэлээччилэр чахчыларынан, бөһүөлэк дьаһалтатын уонна бөһүөлэк баһылыгын солбуйааччытын икки ардыларыгар муниципальнай хантараактар түһэрсиллибиттэр. Уорбаланааччы  хантараак түһэрсиигэ управляющай өҥөтүн оҥорбут. Ол эрээри, бу үлэлэр, силиэстийэ көрдөрүүтүнэн, салайааччы эбээһинэһигэр киирэ сылдьар эбит.

«Уорбаланааччы  билэ сылдьан хантараак түһэрсиигэ закупкаҕа кыттыбыт. Түмүгэр дьаһалтаны албыннаан, уопсайа 658 340 солк. харчыны ылбыт», — диэн СӨ Борокуратууратыгар иһитиннэрдилэр. Холуобунай дьыала тэрилиннэ.