Беркакит олохтооҕо киһини кырбаан 3,6 сылга көҥүлэ быһылынна
20.10.2024, 15:46
Хаартыска: Саха сиринээҕи Силиэстийэлиир кэмитиэтин пресс-сулууспата
Бөлөххө киир:
Саха сиринээҕи Силиэстийэлиир кэмитиэтин Нерюнгри куоратын силиэстийэлиир отдела хомуйбут дакаастабылынан Беркакит бөһүөлэгин 51 саастаах олохтооҕун бириигэбэрэ таҕыста. Кини киһини кырбаан холуобунай дьыала тэриллибит. Бу туһунан Саха сиринээҕи СК пресс-сулууспата суруйар.
Силиэстийэ быһаарбытынан, 2024 сыл бэс ыйыгар буруйданааччы бэйэтин билэр киһитин кытта арыгы испиттэр. Түмүгэр иирсээн кэмигэр дьиэ хаһаайына быһаҕынан түөскэ анньыбыт. Бааһырбыт эр киһи кыбартыыраттан куотан тахсыбыт. Киниэхэ кэмигэр мэдиссиинэ көмөтө оңоһуллубут.
Холуобунай ирдэбил үлэһиттэрэ сотору кэминэн буруйданааччы лиичинэһин быһаарбыттар уонна туппуттар. Силиэстийэ чахчыларыгар олоҕуран, буруйданааччы 3,6 сылга көҥүлэ быһылынна.
+1
1
+1
+1
+1
2
+1
+1
+1
Сообщить об опечатке
Текст, который будет отправлен нашим редакторам: