Хаартысканы Марта Николаева тиксэрдэ
Олунньу 7-8 күннэригэр Хаҥалас улууһун Иккис Малдьаҕар нэһилиэгэр Улахан Ааҥҥа Бөртө Оһуокайа ыытылынна.
Хаҥалас улууһун культураҕа салаата, иккис Малдьаҕар нэһилиэгин МТ дьаһалтата, тэрилтэлэр, Хаҥалас улууһун норуот айымньытын киинэ, республикатааҕы Оһуокай түмсүү кыттыгастаах тэрилиннэ.
Мэҥэ Хаҥаластан, Тааттаттан, Ньурбаттан, Намтан, Хаҥаластан, Дьокуускайтан этээччилэр кэлэн кытыннылар. Икки күннээх күрэх үрдүк таһымнаахтык ыытылынна.Бөртө Оһуокай күрэҕин тэрийиигэ Иккис Малдьаҕар олохтооҕо, Саха Боотур оҕолорго түмсүү салайааччыта Андрей Артамонов көҕүлээһининэн, Бөртө Оһуокайа культура салаатын өйөбүлүнэн тэрилиннэ. Сүүрбэттэн тахса кыттааччы кыттан, аҕыс этээччи финалга киирэн анал темалары талан тутатына хоһуйдулар.
Күрэххэ сүүрбэччэ тэрилтэ, ол иһигэр биирдиилээн дьон Павлов Семен Сергеевич, Харитонов Василий Николаевич, Васильев Серафим Петрович оҕолоро, куораттан меценат, үтүөлээх этээччи А.С.Алексеева, нэһилиэк тэрилтэлэрэ үбүнэн-харчынан өйөбүл буоллулар.
Сүрүн кылаан бирииһи убаһаны Мэҥэ Хаҥалас Тиэлиги нэһилиэгиттэн үтүөлээх этээччи Михайлов Дьулустаан Юристанович кыайда. Дьахталларга Далбар ааты Ньурбаттан Кучурова Таисия Аркадьевна буоллулар. 35-гэр диэри саастаахтарга бастакы үрдэли Дархан этээччи Мэҥэ Хаҥаластан Станислав Иванов, аҕа саастаахтарга Тааттаттан Дархан этээччи Афанасий Попов ыллылар. Саҥа этээччи эдэрдэргэ иккис үрдэли Булгунньахтаахтан Ньургун Давыдов ылан үөрдэ уонна меценат А.С.Алексеева тус бириэмийэтин харчынан тутта. Мэҥэ Хаҥаластан 19 саастаах Роман Макаров саҥа холонооччу диэтэххэ, эмиэ саллыбакка түһүлгэтин таһаарда.
Бары тэрийээччилэргэ, Хаҥалас улууһугар Оһуокайы сүрүннээччи, норуот айымньытын салайааччыта, СР культуратын үтүөлээх этээччи Л.В.Харитоноваҕа, Хаҥалас улууһун культура салататыгар, Бөртө сылгы собуотугар, дьаһалтаҕа, Ньурбатааҕы культура управлениетын салайааччы, Аар Дархан этээччи Розалия Михайловна Тихонова салайааччылаах дьүүллүүр сүбэҕэ махтанабыт.
Марта Николаева
Литература, тыл кэскилин кэҥэтэр соруктаах үлэҕэ оҕо литературатын айыы, сайыннарыы улахан суолталаах. Үрдүк хаачыстыбалаах оҕо…
Бу күннэргэ Дьааҥы улууһун Барылас олохтооҕо Илья Слепцов сылгыларын тардыбыт икки адьырҕаны дэриэбинэттэн чугас хапкаанынан…
Тыа хаһаайыстыбатын боломуочуйата улуустарга бэриллэн, ааспыт сылга хаһааҥҥытааҕар даҕаны үүт соҕотуопкатын үлэтэ күүскэ, тэрээһиннээхтик ыытыллан,…
Өбүгэлэрбит хаалларбыт түҥ былыргы үөрэхтэрин арыйар дьикти көрсүһүү буолла. Кылгастык быһа тардан кэпсээтэххэ: "Мэҥэ халлаан…
Өксөкүлээх Өлөксөй биир үйэ анараа өттүгэр өтө көрөн сурукка тиһэн кэбиспит айымньылара күн-дьыл аастаҕын ахсын…
Күннэтэ биһиги кэлэр кэскилбитин торумнуур, сайдыыны киллэрэр дьонунан билим үлэһиттэрэ буолаллар. Олунньу 8 күнэ –…