“Муус устар 2024” ыччат бэстибээлин чэрчитинэн “Дьоллоох ыал – дьоллоох өрөспүүбүлүкэ” диэн хаартысканан дьүһүйүүгэ өрөспүүбүлүкэтээҕи куонкурус буолан ааста.
Бу куонкурус эдэр ыаллар олохторун, дьарыктарын, дьиэ кэргэннэрин туһунан сиһилии арыйар ис хоһооннооҕо. Куонкуруска Горнай улууһун Маҕараһыттан Саргылана Никанорова кыттан, иккис бочуоттаах миэстэҕэ тигистэ.
— Маннык куонкурус баарын туһунан сонуннары иһитиннэрэр ситимнэртэн истибиппит. Ол эрээри кыттарбытыгар нэһилиэкпит баһылыгын солбуйааччы Василий Кривошапкин: “Бу эһиэхэ сөптөөх наһаа үчүгэй куонкурус баар эбит, холонон көрбөккүт дуо? — диэн сүбэлээбитэ. Онон куонкуруска дьиэ кэргэмминэн сынньалаҥмытын, үлэбитин-хамнаспытын, дьиэҕэ-уокка үлэлии сылдьарбытын түһэрэн ыыппытым. Түмүккэ иккис миэстэҕэ тиксэн, үөрүү бөҕөбүн. Миэстэлэспитим иһин грамота, иһит нобуора биэрдилэр, уу харчынан 20 тыһ. солкуобайы туттардылар. Ити эмиэ ыалга көмө дии саныыбын, — диэн санаатын үллэһиннэ Саргылана Петровна.
Ыал аҕата Айтал Дмитриевич “Туллукчаана” кииҥҥэ сэбиэдиссэйдиир, Саргылана Петровна физинструктор. Эдэр ыал алта оҕолоохтор, 1 оҕоҕо опекун буолаллар. Кырачааннара балтараа саастаах. Дьэ, ити курдук, эдэр ыал сэргэхтик олорор.
Өлүөхүмэҕэ балаһыанньа билигин даҕаны уустугун уу түһэ илигэ туоһулуур. Билигин нэһилиэнньэҕэ бастакы ирдэнэр малы, ону…
Ил Дархан Айсен Николаев VIII норуоттар икки ардыларынааҕы «Азия оҕолоро» спортивнай оонньуулар ыытыллыахтаах эбийиэктэрин кэрийэн…
«Азия оҕолоро» спортивнай оонньуулар ыытыллар эбийиэктэригэр террортан куттал суох буолуутун хааччыйар кэккэ боппуруоһу анал хамыыһыйа…
Өлүөнэ өрүскэ муус харыыта тахсан, көрүөх бэтэрээ өттүгэр уу таһыма үрдээн, Өлүөхүмэ улууһун хас даҕаны…
Өлүөнэ мууһа бүгүҥҥү туругунан Хаҥалас улууһунан устар. Онон сотору кэминэн суудуналар сырыылара саҕаланыаҕа. СИА суруйарынан,…
Ыксаллаах быһыы-майгы Өлүөхүмэ уонна Ньурба улуустарыгар муниципальнай таһымҥа биллэриллэн, бу оройуоннарга тыҥааһыннаах кэм үүннэ. --…