Бөрүкүтэ суох тэрээһини ыытан, ыстараап төлүүр буоллулар

Дьокуускайга баар «Number One» («Джинлун» тэрилтэ) диэн кулууп уопсастыбаннай бэрээдэги ыһар маассабай тэрээһини оҥорбутун иһин буруйдааҕынан билинилиннэ. Дьокуускай куораттааҕы суут 250 тыһ.солк. төлүүрүгэр ыстараабы анаабытын туһунан СӨ сууттарын пресс-сулууспата иһитиннэрэр.

Быһылаан Дьокуускайга саҥа сыл тохсунньу 2 күнүгэр буолбут. Манна шоу кыттыылаахтара сыгынньах тахсыбыттар.

Түүҥҥү сынньалаҥы тэрийэр тэрилтэ бэрэстэбиитэллэрэ буруйдарын сороҕун эрэ билиммиттэр. Социальнай ситимнэргэ уонна мессенджердэргэ эрдэ тарҕаммытынан, бу шоуга Таилантан кэлбит трансгендернай дьахталлар кыттыбыттар.

Суут быһаарыныыта күүһүгэр киирэ илик.