«Бэс Чагдаҕа» 96 байыас эмтэннэ

Мэдиссиинэ тэрилтэлэрэ  байыаннай дьайыы кыттыылаахтарыгар, кинилэр дьиэ кэргэттэригэр көмөнү оҥороллоро салҕанар. 

— Ил Дархан Айсен Николаев сорудаҕынан, байыаннай госпиталларга эмтэнэ сытар бааһырбыт байыастарга 2022 сыл сэтинньититтэн Саха сириттэн быраастар биригээдэлэрэ баран үлэлииллэр. Биһиги быраастарбыт госпиталларга баран, күүскэ үлэлииллэр: эпэрээссийэлэри оҥороллор, бэрэбээскилииллэр, чөлгө түһэргэ сүбэ-ама биэрэллэр, — диэн доруобуйа харыстабылын министиэристибэтин кылаабынай хирура Василий Игнатьев брифинг кэмигэр кэпсээтэ.

Онтон Саха сирин бары мэдиссиинэ тэрилтэлэригэр байыастарга уонна кинилэр дьиэ кэргэттэригэр ирдэнэр эмтэнии, үрдүк технологиялаах диагностика өҥөтө оҥоһуллар. Ону тэҥэ, «Бэс Чагда» сонотуоруйга эмтэнэ, доруобуйаларын чөлгө түһэринэ барыахтарын сөп.

Тохсунньу 15 күнүнээҕи туругунан, Москва аттыгар баар «Бэс Чагда» сонотуоруйга 96 байыаннай сулууспалаах уонна 206 дьиэ кэргэттэрин чилиэннэрэ эмтэннилэр, сынньаннылар.

Ил Дархан, бырабыыталыстыба дьаһалтатын пресс-сулууспата.