Хаартыска: sakha.gov.ru ылылынна
Горнай улууһугар Бэс Күөлүгэр сынньалаҥ киинэ тутуллан бүтэн эрэр.
Бырайыак РФ Бэрэсидьиэнэ В.Путин сорудаҕынан олоххо киллэриллэр. Бу туһунан СӨ тутууга министиэристибэтиттэн иһитиннэрдилэр. Икки тыһ. тахса кв.м. иэннээх дьиэҕэ 700 киһи сынньанар кыахтаныа. Олохтоохто уонна аттынааҕы нэһилиэктэр сынньаналларыгар, күрэхтэһиини көрөллөрүгэр сүрүн сирдэринэн буолуоҕа.
Саҥа тутууга 50 миэстэлээх тырыбыналаах успуорт саалата, дьарыктанар уонна үҥкүүгэ уһуйуллар саалалар, 250 миэстэлээх көрөр саалалаах сцена, ааҕар саалалаах модульнай бибилэтиэкэ, ону таһынан быыстапкалыыр, сиэри-туому ыытар анал хостоох буолуо диэн этиллэр.
Санатар буоллахха, 2021 с. атырдьах ыйыгар Бэс Күөлэ ойуур баһаарыттан эмсэҕэлээбитэ, 32 дьиэ уокка былдьаммыта, ол иһигэр 6 элбэх кыбартыыралаах дьиэ уонна 26 кэтэх дьиэ. Дьиэтэ-уота, олорор сирэ суох 38 дьиэ кэргэн — 191 киһи хаалбыта.
Кылгас кэм иһигэр сэлиэнньэҕэ 34 саҥа дьиэ тутуллубута, суол-иис ситимэ чөлүгэр түһэриллибитэ. Уот-гаас ситимнэрэ чөлүгэр түһэриллибиттэрэ, уот-күөс тардыллыбыта, 7,5 км оптоволокно ситимэ тардылыбыта. Тыа хаһаайыстыбатын эбийиэктэрэ, ол иһигэр 9 хотон, «Атамай» бааһынай хаһаайыстыба комплекса, модульнай хочуолунай тутуллубуттара.
2024 с. алтынньыга, Учуутал күнүгэр, сэлиэнньэҕэ 150 оҕо үөрэнэр саҥа оскуолата арыллыбыта. Үс тыһ. кв.м. тахса иэннээх аныгы дьиэҕэ спортивнай, актовай саалалардаах, бибилэтиэкэлээх, остолобуойдаах, мастарыскыайдаах, уо.д.а. баар. Кыһа миэбэлинэн, аныгы лабораторнай тэрилинэн, компьютердарынан, интерактивнай дуоскаларынан хааччыллыбыта. Оскуола сиригэр спортивнай былаһааккалар, футболлуур сир оҥоһуллубуттара.
Сиһилии https://www.sakha.gov.ru/news/5268
СӨ Ил Дарханын уонна Бырабыыталыстыбатын пресс-сулууспата
Биирдии киилэ моркуобу, помидору, луугу итиэннэ киилэ аҥара биэрэһи, 300 г петрушканы, биир оччо укуруобу…
Бу күннэргэ оройуоҥҥа доруобуйа харыстабылын министиэристибэтиттэн эмчиттэр бөлөхтөрө үлэлии сылдьар. Бу туһунан улуустааҕы"Хотугу сардаҥа" хаһыат…
Бу күннэргэ өбүгэ ньыматынан сахалыы эмтиир Виктор Кривошапкин үбүлүөйдээх 65 сааһын бэрт уратытык бэлиэтээтэ. Сахалыы…
Индигиир өрүс алдьатыылаах халаанын кэнниттэн Өймөкөөн улууһун нэһилиэктэригэр чөлүгэр түһэрии үлэтэ тэтимнээхтик бара турар. Улууска…
Экологическай куттал суох буолуутун уонна айылҕа баайын харыстыыр сыаллаах Мэҥэ Хаҥалас улууһун «Тамма» ураты харыстанар…
Сарсыҥҥыттан, атырдьах ыйын 1 күнүттэн, Арассыыйаҕа сорох дьон биэнсийэтэ үрдүөҕэ, оонньуурдарга уонна үрүсээктэргэ саҥа ыстандаартар…