Бэс Күөлгэ уу критическэй бэлиэни аһарбыт, уу дьиэлэри ыла илик

Саха сиринээҕи суһал ыстаап иһитиннэрбитинэн, Горнай улууһун Бэс Күөл сэлиэнньэтин Дүктүйэ үрэҕэр уутун таһыма 1022 см, бу критическэй бэлиэни 22 см куоһарар. Сарсыарда 8 чаастааҕы дааннайынан уу биир ыал тэлгэһэтигэр киирдэ, дьиэлэри ыла илик.

Уу ылыан сөптөөх сиригэр 9 дьиэ баар, онно 19 киһи олорор. Атамай нэһилиэгин дьаһалтатыгар эппиттэринэн, дьону эрдэттэн докумуоннарын уонна малларын хомуна, дьаһана туралларын сэрэппиттэр. Уу ылыан сөп сирдэрин быһаарбыттар.  Быстах кэмҥэ дьону олордор пууну бэлэмнээбиттэр.