Бэс күөлгэ уу таһыма түһэрэ күүтүллэр

Саха сиринээҕи УГМС иһитиннэриитинэн, Горнай улууһун Бэс Күөл сэлиэнньэтин Дүктүйэ үрэҕэр уутун таһыма ыам ыйын 4 күнүгэр 1020 см, бу критическэй бэлиэни 20 см куоһарбыт.

Бэҕэһээ, ыам ыйын 3 күнүгэр, муҥутуур бэлиэни аһаран 1025 см тиийбит. Бүгүн, ыам ыйын 4 күнүгэр, 1020 см тиийбит. Бу күннэргэ уу таһыма салгыы түһэрэ  күүтүллэр.

Санаттахха, уу ылыан сөптөөх сиригэр 9 дьиэ баар, онно 19 киһи олорор. Атамай нэһилиэгин дьаһалтатыгар эппиттэринэн, дьону эрдэттэн докумуоннарын уонна малларын хомуна, дьаһана туралларын сэрэппиттэр. Уу ылыан сөп сирдэрин быһаарбыттар. Быстах кэмҥэ дьону олордор пууну бэлэмнээбиттэр.