Бэс ыйыгар Дьокуускайга саахымакка улахан турнирдар ыытыллыахтара

Саха сиригэр бэс ыйын 8 күнүттэн үгэскэ кубулуйбут «Северное сияние» саахымакка улахан бэстибээл саҕаланар. Ону кытта от ыйыгар иккис төгүлүн «Белые ночи Туймаады» саахымат композицияларын быһаарыытынан Арассыыйа Куубагын түһүлгэтэ ыытыллыаҕа.

Бу туһунан СӨ саахымат Федерациятын Бэрэсидьиэнэ Владимир Егоров «Актуальное интервью» биэриигэ иһитиннэрдэ.

Владимир Егоров Ил Дархан Куубагын түмүгүн таһаарда, ол чэрчитинэн үс Бүтүн Арассыыйатааҕы турнир — блицка Гран-прига түһүмэхтэр уонна рапидка турнирдара, Арасыыйа классическай саахымакка Куубагар түһүмэҕэ ыытылынна. Ону сэргэ Владимир Егоров өрөспүүбүлүкэ саахыматчыттарын ситиһиилэригэр Арассыыйа хамаанданан чөмпүйэнээттэригэр эр дьоҥҥо уонна дьахталларга болҕомтотун уурда.

Дьокуускайга ыам ыйын 10-11 күннэригэр Кыайыы Куубага буолан ааста. Дьахталларга киирсии кэмигэр 11 үөрэнээччитэ Арина Васильева чөмпүйүөннээтэ. Оттон эр дьон ортолоругар түргэн саахымакка 7 кылаас үөрэнээччитэ Александр Иванов чөмпүйүөннээтэ. Сиһилии манна аах.