Бэс ыйын 3 күнүгэр Горнай улууһун Маҕарас нэһилигэр «Одуну Фест» диэн олохтоох тэриллиилэр бэстибээллэрэ иккис сылын ыытыллыаҕа. Бэстибээли Одуну нэһилиэгин, Горнай улууһун дьаһалталарын, СӨ култуураҕа уонна духуобунай сайдыыга министиэристибэтин, СӨ Ыччат дьыалаларыгар уонна социальнай коммуникацияларга министиэристибэтин өйөбүллэринэн, «Индустрия будущего» тэриллии, «Ситим» сайдыы сирдэрин ситимнэрэ тэрийиэхтэрэ.
«Одуну Фест» бэстибээлгэ олорор сирдэрин тупсарыан, сайыннарыан баҕалаах көхтөөх дьон көрсүөхтэрэ, санааларын үллэстиэхтэрэ, уопуттарын атастаһыахтара. Бэстибээл ыалдьыттара араас бырайыактары көрүөхтэрэ-истиэхтэрэ, маны таһынан кыттыахтарын, волонтердуохтарын сөп буолуоҕа.
Былырыын ыытыллыбыт бэстибээл өрөспүүбүлүкэ бары муннугуттан биир санаалаах дьону, ыалдьыттары түмпүтэ. «Будущее села – судьбоносный вопрос» диэн тиэмэҕэ кэпсэтии тахсан, министиэристибэлэр бэрэстэбиитэллэрэ, нэһилиэктэр баһылыктара, ыҥырыылаах эспиэрдэр кыттыыны ылбыттара. Манна тас дойдулартан ыалдьыттар кэлэн маастар-кылаастары ыыппыттарын бэстибээл кыттыылаахтара сэргээбиттэрэ. Сонун бэстибээл иитинэн арт-перфоманс хартыына уруһуйданан, Горнай улууһун айар кэлэктииптэрин быыстапката тэриллэн, култуурунай тэрээһиннэр ыытыллыбыттара.
Быйылгы бэстибээлгэ аһаҕас кэпсэтиилэр, ырытыылар, федеральнай эспиэрдэр лиэксийэлэрэ, маастар-кылаастар, быыстапка-дьаарбаҥкалар былааннаннылар. Ону таһынан САХА КВН сайыҥҥы куубага, Горнай улууһун баһылыгын бирииһигэр ГТО күрэхтэһиитэ, театрализованнай көрдөрүүлэр оройуоннааҕы куонкурустара, брейкиҥҥэ баттллар, кэнсиэрдэр ыытыллыахтара.
Бэстибээл туһунан сиһилии: https://vk.com/odunufest
#ODUNUFEST
#ФЕСТСООБЩЕСТВ_ЯКТ
#COMMUNITYDAY_YKT
Реклама. ООО «Я ГО» ИНН:1400017530
Бу ураты каарта оҕолорго төрөөбүт дойдуларын дириҥник өйдүүргэ уонна умнуллубат өйдөбүллэри бэлэхтиэҕэ. Манна Саха сирин…
Соторутааҕыта Ыксаллаах быһыы-майгы министиэристибэтин 35 сылыгар аналлаах тэрээһин Уһук Илин бастыҥ баһаарынайдарын түмтэ. Бу туһунан…
От ыйын 3 күнүттэн 5 күнүгэр диэри Нерюнгрига өрөспүүбүлүкэтээҕи Олоҥхо ыһыаҕа ыытылларынан сибээстээн, арыгыны атыылааһыҥҥа…
От ыйын 4-8 күннэригэр Дьокуускайдааҕы VIII норуоттар икки ардыларынааҕы киинэ бэстибээлэ ыытыллыаҕа. Быйылгы бэстибээл сүрүн…
Бүгүн Мииринэй оройуонугар баар «Саха сирин тыыннаах алмаастара» пааркаҕа («Живые алмазы Якутии») пааркаттан үөрүүлээх сонун…
Өлүөхүмэҕэ саҥа оҕо поликлиникатын үөрүүлээхтик астылар. Урут поликлиника 1980-с сыллардааҕы дьиэҕэ баар эбит. Билигин тэрилтэҕэ…