Кылгас үлэ нэдиэлэтэ саҕаланна

Бэс ыйын 12 күнэ – Арассыыйа күнэ. Манан сибээстээн дойду олохтоохторун бу нэдиэлэҕэ түөрт күннээх өрөбүл күүтэр.

Ол курдук, бэс ыйын 11 күнүгэр, сэрэдэҕэ,  кылгатыллыбыт үлэ күнэ. Бэс ыйын 12 күнэ чэппиэргэ түбэһэр — өрөбүл күн. Бэс ыйын 13 күнүгэр кулун тутар 8 күнүнээҕи өрөбүл күнэ көһөрүллэр. Онон бэс ыйын 12-15 күннэригэр субуруччу өрөбүл күннэр буолаллар.

Үлэ уонна дьарыктаах буолуу федеральнай сулууспата, өскөтүн үлэ биэрэччи өрөбүл күн үлэһити үлэлэтэр буоллаҕына, киниттэн суругунан көҥүл ылыахтааҕын санатар. Өрөбүл күннэр симиэнэнэн үлэлиир дьоҥҥо оруолу оонньооботтор.