Салгыы
Бэс ыйын 1 күнүгэр Сочига бастакы быһа рейс көтүөҕэ

Бэс ыйын 1 күнүгэр Сочига бастакы быһа рейс көтүөҕэ

29.05.2024, 18:30
Хаартыска: "Дьокуускай" аэропорт
Бөлөххө киир:

Дьокуускайтан Сочига быһа көтөр сөмөлүөт бэс ыйын 1 күнүттэн көтүүтүн саҕалыаҕа. 

iFLY авиахампаанньа хас оптуорунньук уонна субуота аайы сөмөлүөттэри  Сочига көтүтүөҕэ. Бу күннэргэ Сочиттан  Дьокуускайга эмиэ көтөн кэлэр.

Көтүү уһуна — 7 чаас 35 мүнүүтэ.  Дьокуускайтан Сочига диэри быһа көттөххө — 3628 миль (5837 килэмиэтир) уһуннаах. Быһа  көтөр буолан, ханнык да куоракка тохтообот, түспэт, ол олус табыгастаах. Биирдэ итии аһынан аһаталлар, утах биэрэллэр. 10-23 киилэлээх багааһы босхо илдьиэххэ сөп.

Бу рейс сайыны быһа, алтынньы 12 күнүгэр диэри оҥоһуллар. Киэҥ фюзеляжтаах, 345-378 пассажиры батарар  Airbus A330 сөмөлүөт көтөр.

Оттон сыаната төһөнүй?
Билиэттэри атыылыыр  «Авиасейлс» саайтка киирэн көрдүм — сыаналара араастаһар эбит: биир билиэт 23 тыһыынчаттан 45 тыһыынча солкуобайга диэри буолар. Биллэн турар, сайын оройугар билиэт сыаната ыарыыр. Ону тэҥэ, эрдэ ыллахха, быдан чэпчэки буолар.

Ыспыраапка: iFly авиахампаанньа Арассыыйаҕа 20-бастыҥ салгынынан көтүтээччи иһигэр киирсэр. Авиахампаанньа 2009 сыллаахха төрүттэммитэ уонна Москва Внуково аэропуордугар баазаланар. Арассыыйа ис, тас өттүгэр дьону, таһаҕаһы тиэйэр.  

+1
1
+1
0
+1
0
+1
0
+1
0
+1
0
+1
0
Бары сонуннар
Салгыы
19 июня
  • 14°C
  • Ощущается: 13°Влажность: 77% Скорость ветра: 2 м/с

Сообщить об опечатке

Текст, который будет отправлен нашим редакторам: