Хаартыска: sakha.gov.ru
«Азия оҕолоро» норуоттар икки ардыларынааҕы успуорт оонньууларыгар 50-тан тахса тэрээһин култуурунай бырагыраама иһинэн бэс ыйын 1 күнүттэн от ыйын 6 күнүгэр диэри ыытыллыахтара. Бу туһунан СӨ Култуураҕа уонна духуобунай сайдыыга миниистирэ Афанасий Ноев иһитиннэрдэ.
«Бүгүҥҥү күҥҥэ култуура уонна духуобунай сайдыы министиэристибэтэ бэлэмнээбит «Азия оҕолоро» култуурунай бырагырааматын тэрийэр кэмитиэт бигэргэттэ. Култуурунай бырагыраамаҕа үс тыһыынчаттан тахса киһи кыттыаҕа: оҕолор, ыччаттар, артыыстар, Саха сирин 22 улууһуттан айар кэлэктииптэрэ. Бырагыраама бэс ыйын 1 күнүттэн «Арассыыйа – мин устуоруйам» пааркаҕа «От идеи к истории Игр «Дети Азии»» быыстапканан аһыллыаҕа. Экспозицияҕа СӨ Бастакы Бэрэсидьиэнэ Михаил Ефимович Николаев көҕүлээбит «Азия оҕолоро» оонньууларын чөлүгэр түһэрии устуоруйатын көрдөрүөхтэрэ. Оонньуу дьоруойдарын туһунан сиһилии эмиэ билиэххэ сөп. Быыстапка сайын устата ыытыллыаҕа», — диэтэ Афанасий Ноев.
Ону сэргэ Национальнай художественнай түмэлин кытта Санкт-Петербург куорат нуучча түмэлэ бэлэмнээбит «Айвазовский и великие русские маринисты» быыстапканы бэс ыйын 1 күнүттэн көрдөрүүгэ таһаарыахтара. Быыстапка сыала-соруга – улуу нуучча живописеһа Иван Айвазовскай үлэлэрин тас дойдулар ыалдьыттарыгар уонна өрөспүүбүлүкэ олохтоохторугар билиһиннэрии.
Дьокуускай куорат болуоссаттара култуурунай бырагыраамалары ыытарга сүрүн былаһааккаларынан буолуохтара. Оонньуу кыайыылаахтарын Хомсомуол аатынан болуоссакка эҕэрдэлиэхтэрэ, улахан кэнсиэртэр ыытыллыахтара. Орджоникидзе болуоссатыгар оҕо кэлэктииптэрэ тахсыахтара, норуот маастардарын быыстапката аһыллыаҕа, «Книжный ветер» норуоттар икки ардыларынааҕы быыстапка үлэлиэҕэ, «Дьокуускай ыалдьыттары көрсөр» бырагыраама тэриллиэҕэ. Итини таһынан кэнсиэртэр Опера уонна балет тыйаатырын иннигэр Доҕордоһуу болуоссатыгар эмиэ ыытыллыахтара.
«Азия оҕолоро» норуоттар икки ардыларынааҕы успуорт оонньууларын аһыыллыытын сиэрэ-туома бэс ыйын 26 күнүгэр Н.Н. Тарскай аатынан «Туймаада» стадиоҥҥа уус-уран салайааччы Андрей Борисов айар кэлэктиибин кытта кэрэхсэбиллээх сүрүн бырагырааманы бэлэмнииллэр. Көрөөччүлэри үс чаастаах тэрээһин күүтэр.
«Азия оҕолоро» норуоттар икки ардыларынааҕы успуорт оонньуулара Дьокуускайга бэс ыйын 25 күнүттэн от ыйын 7 күнүгэр диэри ыытыллыахтара.
СӨ Ил Дарханын уонна бырабыыталыстыбатын пресс-сулууспата
Арассыыйа аармыйатын Киин Академическай тыйаатыра Саха сиригэр кэлиэн иннинэ тыйаатыр дириэктэрэ Милена Авимскаялыын маннык кэпсэппиппит.…
Бүгүн, от ыйын 6 күнүгэр, Таатта улууһун хайысхатынан араас массыына, оптуобус халҕаһалыы субуллар. Манчаары төрүт…
Мэлдьи ахтар-саныыр доҕорбунаан Ньукулайдыын 80-с сыллартан “Кыым” хаһыакка үлэлиэхпититтэн билсибиппит. Хомсомуолга иитиллибит, хомуньуус баартыйа кыһатыгар…
Ураты быһыылаах түргэн мантыы ырысыабынан социальнай ситимнэринэн фудблогер уонна спортсмен Владимир Никитин үллэһиннэ. Өрөбүл күҥҥэ…
Норуот ырыаһыта Сергей Зверев төрөөбүтэ 125 сылынан Сунтаар улууһун Түбэй Дьаарханыгар ыытыллыбыт Ыһыах кыттыылаахтара Ыгыаттаҕа…
Сахабыт сиригэр самаан сайыммытын уруйдуур-айхаллыыр, араас ыһыахтар дьэ бүтэн эрэллэр. Мин эмиэ сааспын баттаһа, биир…