Бэс ыйын 1 күнүттэн Дьокуускайтан Сочига быһа рейстэр оҥоһуллуохтара

Бэс ыйын 1 күнүттэн iFLY («Ай Флай») авиахампаанньа Сочи — Дьокуускай – Сочи хайысханан быһа рейстэри оҥоруоҕа.

Киин куорат аэропордун пресс-сулууспата иһитиннэрэринэн, 370 миэстэлээх Airbus A330 көтөр аал Сочига нэдиэлэҕэ иккитэ көтүөҕэ.

Сөмөлүөттэр сырыыны вторник уонна субуота ахсын Сочиттан Дьокуускайга түүн 02:15 чаастан, оттон Дьокуускайтан Сочига киэһэ 17:50 чаастан оҥоруохтара. Билиэттэр атыыга таҕыстылар.

Авиахампаанньа саайтыгар бэс ыйын 1 күнүгэр Дьокуускайтан Сочига диэри билиэт сыаната 26 641 солк. саҕаланар. Пассажирдарга итии аһылык көрүллэр.

Саҥа хайысханан көтөр рейстэр бырагыраамата бу сайыны быһа алтынньы 12 күнүгэр диэри үлэлиэҕэ.