Бэс ыйын 16-17 күннэрэ: хаһыҥ түһүө

Саха сирин кэккэ оройуоннарыгар бэс ыйын 16-17 күннэригэр хаһыҥ түһэрэ күүтүллэр. Бу туһунан Саха сиринээҕи УГМС сулууспата сэрэтэр.

УГМС саайтыгар суруллубутунан: «Бэс ыйын 16-17 күннэригэр Бүлүү бөлөх улуустарга, Ленскэйгэ, Өлүөхүмэҕэ, Алдан, киин оройуоннарга хаһыҥ түһэрэ сабаҕаланар уонна -1…-4С кыраадыска тиийэ тымныйар».

Бэс ыйын 16 күнүгэр Саха сиригэр соҕуруу, хотугулуу-илин, Алдаҥҥа, Нерюнгрига, Өймөкөөҥҥө, Муомаҕа ардыыр, инчэҕэй хаар түһэр.

Салгын температурата түүн +1+6°, былыта суох буоллаҕына -4°, соҕуруу, Халымаҕа +4+9°, хоту-3,+2°, күнүс салгын температурата +11+16°, соҕуруулуу-арҕаа, Халымаҕа +15+20°, хоту +4+9° кыраадыс сылаас.

Дьокуускайга салгын температурата түүн +2+4°, сорох сиринэн хаһыҥ түһэр 0-2°, күнүс +12+14° кыраадыс сылаас.Сөҥүүтэ суох.