Бэс ыйын 21 күнүгэр эбии өрөбүл күн күүтэр

Бэс ыйыгар Саха сирин олохтоохторо Ыһыах күнүгэр сынньаныахтара. Бу туһунан СӨ Үлэҕэ уонна социальнай сайдыыга министиэристибэтэ иһитиннэрэр.

Бэс ыйын 21 күнэ — Ыһыах күнэ. Быйыл бээтинсэҕэ түбэһэр. Бу күн судаарыстыбаннай былаас өрөспүүбүлүкэтээҕи уорганнарын уонна судаарыстыбаннай тэрилтэлэрин үлэһиттэрэ сынньаныахтара. Оттон ситэриилээх былаас федеральнай уорганнарыгар, бэйэни салайыныы уорганнарыгар уонна федеральнай, олохтоох бүддьүөттэн үбүлэнэр тэрилтэлэр сынньаналларын бэйэлэрэ быһаарыахтара.

Оттон чэппиэргэ, бэс ыйын 20 күнүгэр, үлэ күнэ биир чааһынан кылгаан биэрэр.