Бэс ыйын 28 күнэ: самыыр, этиҥнээх ардах, күүстээх тыал

Бүгүн, бэс ыйын 28 күнүгэр, синоптиктар билгэлээһиннэринэн, өрөспүүбүлүкэ үгүс улуустарыгар кыра ардах, оттон арҕаа, хотугулуу-илиҥҥи улуустарга сорох сиринэн, соҕуруу күүстээх самыыр түһэрэ күүтүллэр. Бу туһунан Саха сиринээҕи УГМС саайта иһитиннэрэр.

Өлүөхүмэ, Алдан, Нерюнгри, Өймөкөөн, Муома улуустарыгар сорох сиринэн этиҥнээх ардах түһэр.

Кыра тыаллаах, сөкүүндэҕэ 9-14 м. түргэннээх тыалырыа, байҕал кытылынан уонна этиҥнээх ардаах кэмигэр тыал күүһүрэн сөкүүндэҕэ 15-20 м. түргэннээх буолуо.

Салгын температурата түүн +10…+15°, хоту +3…+8°, хотугулуу-арҕаа +5…+10° кыраадыс сылаас. Күнүс +21…+26°, хотугулуу-арҕаа +16…+21°, хотугулуу-илиҥҥи улуустарга +11…+16°, байҕал кытылынан 0…+5° кыраадыс сылаас буолуо.

Дьокуускайга салгын температурата түүн +13…+15°, күнүс +22…+24° кыраадыс сылаас. Түүнүн ардаҕа суох, күнүс ардах түһэрэ күүтүллэр. Тыал хотугулуу-арҕааттан сөкүүндэҕэ 5-10 м. түргэннээх.