Бэс ыйын 29 күнэ. Бу күн болҕомтобутун туохха уурабыт?

Бу күн тугу гынабыт, туохха болҕомтобутун уурабыт? 

Холобур, «Утро Родины» хаһыат урут бу күн дьон-сэргэ тугу тутуһарын, туохха болҕомтотун уурарын туһунан суруйбут.

Ол курдук, бэс ыйын 29 күнүгэр тулабытыгар туох барыта чуумпурар, иһийэр дииллэр эбит. Бэл, тыал намырыыр, кыыл-сүөл күлүккэ саһар диэн бэлиэтииллэр. Өссө таҥара дьиэтигэр сылдьаннар, дьоннор дьиэ кэргэннэригэр үтүөнү, доруобуйаны көрдөһөллөр.

Бу күн бурдук аһы буһарбаттар эбит. Ситиһииттэн уонна дэлэгэйтэн матыахха сөп диэн сэрэтэллэр эбит.

Маны сэргэ, оҕуруокка ыарахан үлэни үлэлээмэҥ, халтайга, кураанахха сыраҕытын ыытыаххыт диэбиттэр.

Бу күн киэһээ бөҕү тоҕумаҥ. Ситиһии, үчүгэй кэлиэхтээҕэ харгыстаныа диэн сэрэтэллэр.

Тулаҕытыгар болҕомтоҕутун ууруҥ. Өскөтүн күннээх да буолбутун иһин сибэккилэр сабыллан хаалбыт буоллахтарына, ардах түһүө. Сарсыардаттан самыырдаатаҕына, ардах уһуо. Сарсыарда сииктээх буоллаҕына, үчүгэй күнү күүт диэн этэллэр.