Хаартыска: А.Данилова тиксэриитэ
Атырдьах ыйын ортотугар Сунтаар улууһун биир кырыы нэһилиэгэр Бүлүүчээҥҥэ оскуоланы 1979 сыллаахха бүтэрбит оҕолор үгэс буолбут көрсүһүүлэрэ буолла.
Бу сыл оскуола устуоруйатыгар саамай элбэх выпускниктаах сылынан биллэр, Куокунуттан, Кириэстээхтэн, Мииринэй Таас Үрэҕиттэн элбэх оҕо кэлэн үөрэммитэ. Өрөспүүбүлүкэ бу биир ааттаах-суоллаах оскуолатыгар үөрэммит ыччаттар билии аартыгар сирдээбит үөрэхтэрин кыһатын, учууталларын, бииргэ үөрэммит оҕолорун ахта-саныы сылдьаллара, билсэ-көрсө тураллара олус үчүгэй.
Оскуоланы бүтэрбиттэрэ 45 сылын бэлиэтии мустубут оҕолор дьоһун бэлэх оҥорон, нэһилиэк дьонун-сэргэтин үөртүлэр. Выпуск уус уолаттара Александр Гуляев, Виталий Спиридонов дьикти-кэрэ беседканы уустаан-ураннаан оҥорбуттар. Ортотугар хачыал, икки кытыытыгар олорор сирдээх. Бэлэх Бүлүү өрүс кытылыгар, оскуола таһыгар миэстэтин булла. Дьон-сэргэ сөбүлээн сынньанар сирэ буолуоҕа.
1979 сыллаах выпуск бу үтүө холобура салҕанан, бөһүөлэги тупсаҕай көстүүлээх оҥорор араас көрүҥнээх дьоҕус тутуулар элбээн истиннэр.
Манна даҕатан эттэххэ, бу оскуоланы бүтэрээччилэр бары биэстии сыл буола-буола көрсөр үтүө үгэстээхтэр. Ол курдук ити күннэргэ оскуоланы бүтэрбиттэрэ 55 сылын бэлиэтии кэлбит выпускниктары кытта соһуччу үөрүүлээх көрсүһүү буолла. Икки выпуск актовай залга көрсүһэн истиҥник кэпсэтэн, уопсай хаартыскаҕа түһэн, беседка арыллыытын кыһыл лиэнтэтин быһан үөрдүлэр-көттүлэр.
А.Данилова
ИДьМ сулууспатын Сунтаар улууһун отделын холуобунай ирдэбил үлэһиттэрэ 24 саастаах олохтоох киһи баантан харчыны уорбутугар…
Арассыыйа Бэрэсидьиэнэ Владимир Путин пресс-кэмпириэнсийэни кытта холбоммут быһа сибээс кэмигэр дьиэ кэргэни өйөөһүҥҥэ улахан болҕомтону…
«Газпромбаан» вице-бэрэсидьиэнэ, «Үрдүкү технологиялаах мэдиссиинэ көмөтө» аһымал пуондатын сэбиэтин бэрэссэдээтэлэ Сергей Фурсенко Саха сиригэр оробуочай…
Эһиилги «Дыгын оонньууларын» чөмпүйүөнэ үс мөлүйүөн солкуобайы уонна 7 мөлүйүөн солкуобайтан тахса сыаналаах Дьокуускай куоракка…
Түөкүттэр тус дааннайдары сыыппараҕа көһөрөбүт диэн военкомакка “ыҥырар” саҥа исхиэмэни толкуйдаабыттарын ИДьМ матырыйаалларыгар сигэнэн ТАСС…
Дьокуускай олохтооҕо киһини өлөрөргө соруммутунан буруйдааҕынан билинилиннэ. Кини ритаульнай киинигэр киһиэхэ быһахтаах саба түспүт. 57…