Хаартыска: СИА
СӨ Бырабыыталыстыбатын бэрэссэдээтэлин бастакы солбуйааччы Дмитрий Садовников Эдьигээн улууһун Бэстээх оскуола-оҕо уһуйаанын хочуолунайа үлэтэ тохтотуллубут боппуруоһунан уочараттаах мунньаҕы ыытта.
Миэстэтигэр ОДьКХ Бүлүүтээҕи филиалын өрөмүөннүүр биригээдэтэ, Бүлүүттэн 6 киһилээх «Монтажсервис» ХЭУо бөлөҕө уонна маастар, икки электромонтер «Сахаэнерго» АХ биригээдэтэ тиийбиттэр. Эдьигээн нефтебаазатыттан дизельнэй уматык уонна бэнсиин тиэрдиллибит.
Тохсунньу 1 күнүгэр киэһэ Дьокуускайтан наадалаах оборудованиелаах, матырыйааллаах массыыналар, ол иһигэр 95 электроконвектордар ыытыллыбыттара. Ону сэргэ ОДьКХ уонна энергетикаҕа миниистирэ Вячеслав Емельянов салайааччылаах оробуочай бөлөх айаҥҥа сылдьаллар.
«Айан суол сууккаттан ордук. Бүгүн киэһэ массыыналар миэстэтигэр тиийэн олорор дьиэлэри уонна оскуола-оҕо уһуйаанын социальнай эбийиэги сылытыы саҕаланыа диэн күүтэбит. Уот ноҕурууската «Сахаэнерго» энергиянан хааччыйар тэрилтэни кытта сөбүлэһиннэрилиннэ. Бу ньыманан эбийиэктэри ититии оттук сезона бүтүөр диэри барыахтаах», – диэтэ Дмитрий Садовников. Тыа сиригэр кэлэр оттук сезонугар сөп түбэһиннэрэн үлэҕэ киллэриллиэхтээх 80% бэлэмнээх саҥа хочуолунай эбийиэгэ тутуллар.
Саха сирин Бырабыыталыстыбатын бастакы солбуйааччы этэринэн, оройуон дааннайдарынан нэһилиэнньэ өттүттэн үҥсүү суох. Фельдшерскэй- акушерскай пууҥҥа быстах кэмҥэ олорор пуун тэриллибитинэн биир да олохтоохтон наадыйыы суох. Суһал сулууспалар бары сөпкө үлэлииллэр.
Санатан эттэххэ, Эдьигээн улууһун Бэстээх сэлиэнньэтин хочуолунайыгар баһаар тохсунньу 1 күнүгэр тахсыбыта. Оскуола-оҕо уһуйаанын, биэс олорор дьиэни уонна гарааһы хааччыйбыт хочуолунай баһаар кэнниттэн сөргүтүллэр кыаҕа суох. Баһаар төрүөтэ быһаарыллар.
Түүл туһунан тугу билэбитий? Киһи түүлүн 90 бырыһыанын умнар уонна 10 бырыһыанын эрэ өйдөөн хаалар.…
Саха сиригэр тыйыс-тымныы кыһыммытыгар киһи организма араас охсуулары ылар. Ол иһигэр үлүйүү биир саамай сүрүн…
Өбүгэлэрбит былыр-былыргыттан күн-дьыл туругун уонна инникитин хайдах буолуохтааҕын айылҕа уларыйыытынан, кыыл-сүөл, көтөр-сүүрэр хамсаныытынан кэтээн көрөллөрө…
Быйыл Арассыыйа саамай уһук сиргэ - Хотугу байҕал пордугар биир артыыстаах уонна бэлэмэ суох сценарийдаах…
Эдьигээн сэлиэнньэтин 6 №-дээх хочуолунайын үлэҕэ киллэриитин тэрээһинэ түмүктэннэ, оттон 4 №-дээх хочуолунай салгыы оҥоһуллар.…
Дьокуускайга бүгүн, тохсунньу 6 күнүгэр, энергетиктэр уот ситимэ быстыбытын оҥордулар. Киин РЭС энергетиктэрэ киин куоракка …