Бэтэрээн «Буойун» киин филиалыгар инструктордыыр

Байыаннай дьайыы бэтэрээнэ «Буойун» киин филиалыгар инструктордыыр.

Кини В.В.Путин аатынан Арассыыйатааҕы спецназ университетыгар үөрэммит.

«Александр Соров – мин көхтөөхтүк кыттар бэтэрээннэрбиттэн биирдэстэрэ. Кини өрөспүүбүлүкэҕэ «Аҕа дойдуну көмүскээччи»» пуонда филиалын уопсастыбаннай олоҕор куруук кыттар, ыччаты дойдуга бэриниилээх буоларга иитиигэ көмөлөһөр«, — диэн кэпсиир социальнай сүрүннээччи Полина Яковлевна.

Александр «Боотур» этэрээккэ байыаннай дьайыы буола турар сиригэр сылдьыбыт, санитар-стрелок эбээһинэһин толорбут. Хорсун-хоодуот быһыытын иһин «За отвагу» мэтээлинэн наҕараадаламмыт. «Тиис бырааһа» идэлээх буолан, байыастарга мэдиссиинэ көмөтүн оҥорбут, ол иһигэр тиистэрин эмтээбит.

Хантараага бүппүтүн кэнниттэн дьиэтигэр кэлбит. Филиал аһылларын кытта, 2023 сыл бэс ыйыгар, үлэ ыйыталаһан тиийбит. Социальнай координаторынан Полина Дедюкина анаммыт. Байыаннай дьайыы бэтэрээнин арыаллааһын саҕаланыаҕыттан, дастабырыанньатын, биир кэмнээх төлөбүрүн ыларыгар, социальнай өйөбүл миэрэлэринэн туһанарыгар, уо.д.а. өйөбүл оҥоһуллубут.

СӨ Ил Дарханын уонна Бырабыыталыстыбатын пресс-сулууспата