Хаартыска: SakhaGov
СӨ инновацияҕа, сыыппара сайдыытыгар уонна инфокоммуникационнай технологияларга миниистирэ Петр Николаев байыаннай дьайыы бэтэрээнэ, “Саха сирэ – дьоруойдар дойдулара” каадыр бырагырааматын кыттыылааҕа Михаил Ан көҕүлээһинин өйөөтө. Михаил Ан сыыппаралаах бырайыага өрөспүүбүлүкэ Быыһыыр сулууспатын үлэтэ көдьүүстээх уонна суһал буоларыгар көмөлөһөр аналлаах.
Кини Саха сирин Быыһааччыларын сулууспаларыгар стажировкаланар уонна бастакы күнтэн ыла үлэ үөһүгэр түстэ, кини настаабынньыга – СӨ бырабыыталыстыбатын бэрэссэдээтэлин бастакы солбуйааччы Дмитрий Садовников.
Курсаан үлэһиттэр биир кэлим баазаларын бырагырааманан хааччыйыыны саҕалаата. Систиэмэ иһитиннэриилэри бэрээдэктииргэ уонна хас биирдии үлэһит туһунан наадалаах сибидиэнньэлэри көрдөөһүнү биллэрдик судургутууга көмөлөһүөҕэ.
Бырайыакка ураты болҕомто сайдыы кыахтарыгар ууруллар. Инники былааннарга – өрөспүүбүлүкэ улуустарыгар ыытыллар үлэлэри көрдөрөр интер-актыыбынай каартаны оҥоруу. Көрдүүр-быыһыыр үлэлэр кэмнэригэр сорудаҕы толоруу уонна ыытыллыбыт дьаһаллар хаамыыларын онлайн көрөн олоруохха сөп буолуоҕа. Ону таһынан үлэһиттэргэ мобильнай сыһыарыыны киллэрии көрүллэр.
“Билигин биһиэхэ сулууспалар суһаллык үлэлииллэригэр көмөлөһөр быһаарыылары ылынар ураты суолталаах. Михаил бырайыага быһаарыылары ылыныы бириэмэтин чахчы кылгатыаҕа. Министиэристибэ бырайыагы олоххо киллэрэргэ наадалаах көмөнү оҥоруоҕа”, — диэтэ Петр Николаев.
“Чахчылар биир систиэмэҕэ баар буоллахтарына, ол бириэмэни кэмчилиир уонна чуолаан быыһыыр үлэлэргэ суһаллык дьайарга көмөлөһөр”, — диэн Андрей Ан иһитиннэриини ханнык баҕарар бириэмэҕэ туһанарга табыгастаах буолуохтааҕын бэлиэтээтэ.
СӨ Ил Дарханын уонна бырабыыталыстыбатын пресс-сулууспата
Олунньу 12 - 14 күннэригэр СӨ бырабыыталыстыбатын бэрэссэдээтэлин солбуйааччы Анатолий Семенов салайааччылаах министиэристибэлэр, биэдэмистибэлэр бэрэстэбиитэллэрэ…
Судаарыстыбаннай демографическай уонна дьиэ кэргэн бэлиитикэтин олоххо киллэрэр Сэбиэт мунньаҕын түмүгүнэн, Владимир Путин муус устар…
Бу күннэргэ Саха сирин киин куоратыгар Дьокуускайга аан бастаан художественнай гимнастикаҕа Уһук Илиҥҥи федеральнай уокурукка…
Москва уобалаһын Красногорской балыыһатыгар 46 саастаах дьахтар хабаҕыттан косметикаҕа туттуллар харандааһы хостообуттарын туһунан Москва уобалаһын…
"Пятница" теле-ханаалга Саха сириттэн эдэр асчыт Владимир Герасимов «Молодые ножи. Новая кровь 2 сезон» биэриигэ…
Владивосток куоракка боксаҕа Уһук Илин бастыыр иһин күрэхтэһии уонна чөмпүйэнээт саҕаланна. Күрэхтэһиигэ эрэгийиэннээҕи хамаандалартан кыргыттар,…