sakha.gov.ru ылылынна
Байыаннай эпэрээссийэ кыттыылааҕа, спортсмен Илья Тарасов Саха сиригэр аан бастаан джиу-джитсу күрэхтэһиитин тэрийиэ. Бу күрэхтэһии Аҕа дойдуну көмүскээччи күнүн көрсө олунньу 22 күнүгэр Дьокуускайга ыытыллар.
Күрэхтэһии бырагырааматыгар бэйэни көмүскэнии тиэхиньикэтин көрдөрүөхтэрэ: охсууттан, мастаах, быһахтаах саба түһүүттэн, ону тэҥэ уопуттаах маастардартан бэйэни хайдах көмүскэнэргэ маастар-кылаастар ыытыллыахтара.
«Успуорт диэн физическэй бэлэмнээх буолууну таһынан, бэрээдэктээх, күүстээх санаалаах уонна ыарахаттары сатаан туоруур буолуу. Мин элбэх киһи, ордук ыччат джиу-джитсу туһунан билиэхтэрин, успуорт бу көрүҥэр бэйэлэрин холонон көрүөхтэрин баҕарабын. Бэйэлэригэр эрэллээх буолалларыгар көмөлөһүө. Бу күрэхтэһии өрөспүүбүлүкэҕэ джиу-джитсу сайдарыгар тирэх буолуо дии саныыбын«, — диэн этэр Илья Викторович.
Илья Тарасов джиу-джитсуга успуорт маастарыгар кандидат, айкидоҕа хара курдаах. Кини Хотугу Кавказка сылдьыбыт, онтон 2024 с. тохсунньуга байыаннай дьайыы буола турар сиригэр барбыт. Онтон кэлэн баран олоҕун успуорка анаабыт, чуолаан джиу-джитсуга, чөл олоҕу тарҕатааччылартан биирдэстэрэ.
Бойобуой дьайыылар бэтэрээннэрэ «Аҕа дойдуну көмүскээччилэр» пуонда филиалын арыаллааһыныгар былырыын сэтинньиттэн баар. Социальнай сүрүннээччинэн Александра Максимова анаммыт. Бэтэрээн хара бастакыттан пуонда филиалын тэрээһиннэригэр кыттар баҕалааҕын биллэрбит.
Пуонда филиала кини көҕүлээһинин өйүүр уонна тэрээһин ситиһиилээхтик ыытылларыгар баҕарар.
СӨ Ил Дарханын уонна Бырабыыталыстыбатын пресс-сулууспата
Күөл мэндээркэй ньуурун одуулуу биир аҕам саастаах киһи уһуннук олорбута. Сүрэҕин сүүдүтэр ыар санаа баттыга…
Олох хаамыытын батыһан, билигин дьиэни-уоту бэрт тупсаҕайдык уонна толору хааччыллыылаах оҥостор буоллулар. Дьэ маннык дьиэлэри…
СӨ ОДьКХ уонна энергетикатын миниистирэ Вячеслав Емельянов Аҕа дойду уоттаах сэриитигэр Улуу Кыайыы 80 сылынан…
Маны билэҕит дуо? Куоска минньигэс амтаны билэр дуо? Оттон саамай улахан кинигэ төһө ыйааһыннаах буолуо…
Бүтүн Арассыыйатааҕы олимпиада түмүктүүр түһүмэҕэр (ВсОШ) Дьокуускайга дойду 80 эрэгийиэниттэн 300 кэриҥэ үөрэнээччи кыттыаҕа. Муус…
Быйыл тохсунньуттан Өлүөхүмэ улууһун Урицкай сэлиэнньэтин кулуубугар маскировочнай сиэккэни оҥорон саҕалаабыттар. Бу кылгас кэм иһигэр…