Оҕолор бэлэхтэрэ

И.Е.Винокуров аатынан Хатыҥ Арыы орто оскуолатын үөрэнээччилэрэ учууталларын салайыытынан бочуоттаах сынньалаҥҥа олорор бэтэрээн учууталларга улахан болҕомтолорун уураллар.

Тиэргэн харбааһына, хаар күрдьүүтэ, хортуоппуй хомуйсуута, о.д.а. үлэҕэ кинилэр мэлдьи көмөлөһөллөр. Учуутал күнүгэр, Аҕам саастаахтар күннэригэр, Саҥа дьыл бырааһынньыгын көрсө бэйэлэрэ оҥорбут ураты оҥоһуктарын бэлэх уунан үөрдэллэр.

Быйыл кэтэһиилээх күнү көрсө сыл бэлиэтин — Моҕойу бэрт тупсаҕайдык оҥороннор бэлэхтээтилэр. Онон бары да сэргэхсийэ түстүбүт. Оскуола кэлэктиибигэр, үөрэнээччилэргэ биһиэхэ өрүү күүс-көмө буоларгытыгар, болҕомтоҕутугар махтанабыт. Үлэҕитигэр, үөрэххитигэр ситиһиилэри баҕарабыт.

Бэтэрээн учууталлар ааттарыттан РФ үөрэҕириитин, СӨ үөрэҕин туйгуна,

Учууталлар учууталлара бэлиэ хаһаайына Н.С. Саввина,

Хатыҥ Арыы, Нам.

Хаартыскаҕа ааптар түһэриитэ