Хаартыска: Саргын Скрябин, СИА.
Кадетскай оскуола-интэринээт дьиэтигэр “Ийэ дойду туохтан саҕаланар?” пуорум чэрчитинэн байыаннай-спортивнай многоборье ыытылынна.
Бу күрэхтэһии уратыта диэн биир хамаандаҕа бойобуой дьайыылар бэтэрээннэрэ, 50+ саастаах көлүөнэ, орто уонна үрдүк үөрэх тэрилтэлэрин устудьуоннара, курсааннар, оскуола үөрэнээччилэрэ, үлэлиир ыччат киирэллэр. Быйыл хас да хамаанда кыттарга бэлэмин биллэрбит: ЫБММ “Огнеборец” хамаандата, Нам улууһуттан “Дьулуур”, ИДьМ “ Честь и доблесть” хамаандата, Мэҥэ Хаҥаластан “Мэҥэлэр”, Уус Алдантан “Мүрүлэр”, Хаҥаластан “Эргистэр”, Горнай улууһуттан “Чыпчаал”, ХИФУ хамаандата “Универ”, Дьокуускайдааҕы авиационнай тиэхиньиичэскэй училище, АГАТУ, Уу тырааныспарын институтун, юридическай полицейскай колледж, тыа хаһаайыстыбатын техникумун сүүмэрдэммит хамаандалара.
Софья Кобякова, Нам улууһун бэтэрээннэрин Сэбиэтин бэрэссэдээтэлэ:
-Биһиги пуорум буоларын истээт даҕаны бэлэмнэнэ охсон кэллибит. Хамаандабытыгар икки ыччат, икки баһаарынай чаас үлэһитэ, 65 саастаах икки бэтэрээн бааллар. Хамаанда салайааччыта Оксана Лебедева. Бүгүҥҥү пуорумҥа кэллиэгэлэрбитин кытта көхтөөхтүк кыттарга бэлэммит.
Павел Оконешников, Хатыҥ Арыы орто оскуолатын дириэктэрэ, Нам улууһунааҕы “Буойун” бойобуой дьайыылар бэтэрээннэрин бэрэссэдээтэлэ:
— Мин бэтэрээн хамсааһынын бэрэстэбиитэлин быһыытынан төгүрүк остуолга кыттабын. Маннык пуорумнар билиҥҥи кэмҥэ олус наадалаахтар, мин санаабар байыаннай-патриотическай иитии бастакы миэстэҕэ туруохтаах. Аныгы ыччат дойдутун устуоруйатын, аҕа саастаах көлүөнэ бойобуой албан аатын билиэхтээх, өй-санаа, эт-хаан өттүнэн бэлэм буолуохтаах. Бэйэм техникуму бүтэрэн баран, 1998 сыллаахха аармыйаҕа сулууспалыы барбытым. Ол саҕана чеченскэй хампаанньа кэмэ этэ, биһиги пуолкабытын онно ыыппыттара. Бойобуой соруктары толорбуппут, ол кэнниттэн Эр санаа уордьанынан наҕараадаламмытым.
Пуорум үөрүүлээх аһыллыытын кэннэ хас да көрүҥҥэ күрэхтэһиилэр буоллулар. Көлүөнэлэри ситимниир, патриотическай иитии маннык саҥа көрүҥүнэн барбыта интэриэһинэй.
Арассыыйаҕа уһуннук салҕаммыт 12 хонуктаах Саҥа дьыллааҕы бырааһынньык аны алта сылынан буолуоҕа. Ол курдук, 2032…
Илиҥҥи халандаарынан 2026 сыл Уот кыһыл ат сыла. Сахалар сылгынан билгэлэрэ үгүс. Онтон сүрүн билгэлэри…
Саха ыалын-сиэрэ-туома. Маны билэҕит, истибиккит дуо? Өбүгэлэрбит кыыс оҕо төрөөтөҕүнэ, абааһыттан уонна куһаҕан дьайтан харыстаан,…
Аан дойдуга буола турар сиэрэ суох быһыыны-майгыны «Сэмсэ тыл» биэриигэ политолог Чокуур Гаврильев ырытар. Манна…
Арассыыйа Дьоруойа, "Медведь" позывнойдаах Алексей Петров Мэҥэ Хаҥаласка сырытта. Кини бииргэ сулууспалаабыт дьонун көрүстэ, байыаннай…
Урал патриоттара пуорумҥа Саха сирин волонтердарын. актыбыыстарын ыҥыраллар. Ханты-Мансийскайга кулун тутар 17-19 күннэригэр "Патриоты Урала"…